Popular Bible Verses from Kejadian Uram 32

Share

Ba, anyi biryi ato ebmou, “Ukura kan si Yakub erankungwe to kum. Eda, Israel enkwanking. Ara, kan ninyi sirik aryi Ni Imtamnyi ab ordanmanim uca, kanci Nisi obdongoboka kan erebdobdim ati, a si dobmakin,” ebmou.

Ura, anyi biryi Yakub bisi ato ebmou, “Ura, kiting tingyangar ati, takdongobnurum bindobkwan,” ebmou. Uca, Yakub biryi anyi bisi ato ebmou, “Ni kum takdongobkwamakin. Eda, kisal dangna dinyi ton karebniminyi akwe, ura takdongobkwamakin,” ebmou.

Ura, Yakub er nong ara atam er yuk Er Imtamnyi bisi molonmou. Uca, sal tentok er dam yanmou. Anyi bira Er Imtamnyi Uram Erbananyi yanmouci, ersi taruk aryi bokmou ba, ordanmarei asi kiting tingyanmou.

Ura, Yakub biryi a ordanmarei dikum si dobmou ara ato eboka si dobmou. “A dikum aryi Er Iya Erebdobnyi, Er urasin kobdob ni asing aryi eibman. Bok, ni dina kum kubman,” eboka, “Pniel,” ebmou.

Ura, anyi biryi diramwe uca, Yakub mikib weik aryi sasibokmou. Ura, anyi biryi Yakub keil yok asi kwinikdongobmou.

Uca, anyi biryi Yakub bisi asibmou, “Kan si ara unanyi da?” eboka asibmou. Ba, Yakub biryi, “Ni si ara Yakub,” ebmou.

Ura, Yakub biryi anyi bisi ato eboka asibmou, “Kan si ara unanyi da? Kan si ababyi lak ebdarum!” eboka asibmou. Uca, anyi biryi ato ebmou, “Ni si ebdanyi ba, kan bikwamarim ara kikiman kum. Unati, ‘Si biktinyi,’ tenen asibmanirim do?” ebmou. Ura, a dikum aryi Er Imtamnyi biryi Yakub bisi kisal dangna dinyi karebmou.

Nira Kanci, tuba boukwe kibman kumnyi bok, ni kan wa inanyi bisi boukwe kiboka karebmanirim. Nira a me Yordan kouboka yanmase ara utotoa ton borona kum kubmase. Eda, a kama tentok douboka yanmase. Bok, ukura bona karebnoumwe ba, ni nerabwe mabwe toto, bisam yabwe toto, bona toto, bobankung nang ara ninyi olong bitinyi a wibdeibne.

Er Iya Erebdobnyi biryi Yakub bisi mirikna yok kumubdongobmou. A deyok aryi Israel nang ara kamyoa yala nirya oboka yinmangnyi ababyi, mata yok ab keil yok ab dimdongorande kungkalya yok dakde kum yiramnyi. Ani, ukubabyi tuba kungkalya yok dakde yina kum kunung.

Ura, Yakub biryi Er Imtamnyi bisi ato eboka molobmou, “Ni Nai Iya Erebdobnyi, ni abwe Abraham si weik eboka moloramunyi, ni nai Ishak moloramunyi. Ni Nai Iya Erebdobnyi Kanci nisi ato eboka arukmanirim, ‘Kan ab kan ai ninyi nirya ab kan mutuk ur tamuboka bindarur! Bimunyi ura, Niryi kansi telebto kubdeibkwankin,’ ebmanirim.

Ati, Nai se, Kansi molobmakin. Ara, sangkuna ni du Esau biryi nisi yandoka, ni ab ni nerabwe ab, mabwe ab obsicei ati, Kanci er yu wekmaci dinyi kum dandeibdum.