Popular Bible Verses from Keluaran Uram 15

Share

Ura, Er Iya Erebdobnyi biryi ato ebmou, “Sunci, Ni sun Nai Imtamnyi, Iya Erebdobnyi uram asi iya diboka-diboka kekeramunci, Ni urasin dam aryi diboka kununkwandarur. Kunuramunci, ato-ato kunubde bankwandarur ebdeibsise to akwe diboka amol takeiboka kekenkwandarur. Ba, Niryi sunsi Mesir mutuk nang ati youn kareranse to kum karenkwansin. Ni Iya Erebdobnyi biryi sunsi youn kwetenkwansin,” ebmou.

Ni Nai Iya Erebdobnyi bira ni mikib kimnanyi kurur. Erda niryi Ersi mot semnanyi kurur. Erda ni lemninanyi kurur. Erda ni Nai, ni molonunyi kurur ati, niryi Ersi si weik ebkwan. Er Iya Erebdobnyi bira ni nai bibabyi si weik eramunyi kurur ati, niryi Ersi si weik erebdeibkwan.

Nai Iya Erebdobnyi Kan kurum ara yuk-yuk kwemdeina kikniboka moloraming dinyi atonyi kum kurum. Nai, Kanda beterdongona kumnyi kurum aryi, iya mililnyi kurum. Kanci, ilil tenen dinyi kurandim dinyi ara ilil kimsinirandimnyi kurum, Kanci, kurandim dinyi ara, ‘Dib Er Iya Erebdobyi biryi kubmar,’ tenen bingnung. Akiryi yuk molon dinyi ara kan kurum atonyi ton da kum kurur.

Kanda nunsi busul kuboka boukwe iya kimsurum deyok aryi, nun Kansi dib tenekunub nang iniboka boyanmasirimci, lebdeibmasirim. Kan mikib deici aryi nunsi iniboka, Kan kurum mutuk iya teleb mutuk dam boyanmasirim.

Ani, mutuk si ara Mara dam binmai ura, me yibaramwe asi asing eibmai. Bok, a mutuk me sik deyok aryi me ton yina kum kubmai. A deyok aryi, “Mara mutuk,” ena ara nun uram danguboka, “Sik Me Mutuk,” enung. Ura, Israel nang aryi Musa bisi uram taleboka kerebmaici, ato ebmai, “Nun unato me yibtibyi do?” ebmai. Ba, Musa biryi Er Iya Erebdobnyi bisi molobmou. Ba, Er Iya Erebdobnyi biryi Musa bisi co toukwe tentok asi eterebmou. Ura, Musa biryi a co toukwe doboka me koun tam donongdamwe uca, a me sik kuramwa kum danmou ura, sik kum danmouci, dikum me kibmou. “A mutuk aryi ato-ato kubde bankwandarur,” eboka iya kibdeiboka karebmouci, “Sun, una kubkwaming do?” tenen ukubdenmou.