Popular Bible Verses from Ulangan Uram 30

Share

Arub ara im dangna tukwe dangna ninyi nirya aryi, a enmasin uram asi sirya kekebing. Ara, niryi sunsi kam kuron dinyi ab, din dinyi ab, teleb kuron dinyi ab, malyi kun dinyi ab ebdeibsou asi lak sun dam ebkarebsin, asi sunci wibdobdarur. Ba, a wibdobmamunyi kam kuna asi sunbabyi, sun deibdoba babyi iya kam kubde binkwandum. Ara, Er Iya Erebdobnyi biryi nun abwe yabwe Abraham ab, Ishak ab, Yakub ab asi, “Karebkwansin ba, sun deibdoba aryi wengbinkwaming,” ebdeiamwe mutuk si Kanaan dam wengbinkwandum. Sirya wengbimunyi ura, Er Iya Erebdobnyi nun molonanyi uram akwe kanyi deiboka, Er dam akwe iya kubmurubde binkwandum,’ ebdeiamwe.” Ara, Musa biryi sun Israel ninyi asi, Er Imtamnyi biryi ebdeiamwe to kuboka ebmou.

Arub ara niryi sunsi ato ebdeibmasin. ‘Sunci Er Iya Erebdobnyi nun molonanyi bisi boukwe kiboka, Erci ebdeibsou to kuboka kunubmurubde bindarur! Ba, sun wengbindoka kubkwandum mutuk si Kanaan dam aryi, kam tuba kubmurubkwandum. Ba, Er Iya Erebdobnyi nun molonanyi biryi sunsi kisal dakmurubde binkwansir.

Ura, Musa biryi sun Israel ninyi asi tubto ato ebmou. Arub tum ara Er Iya Erebdobnyi biryi sunsi kisal dangni dinyi ab, mambul don dinyi ab, kam kun dinyi ab, dimni dinyi ab ebdeibsou dinyi ebsin uram ara sun dam kubde.

Bok, a ebdeibwe uram ara sun dam a kubwe. Ara, sun mining uram ani, sunsi sirya ebdeibsou ba, sun kanyitam sirya a kubwe asi kunubkwandarur.

Ani, sun deibdoba nirya asi, ukuryok kanya kareboka Er Imtamnyi uram akwe kunun ninyi kibdeibkwande. Ba, sunci Er Iya Erebdobnyi nun molonanyi bisi, sun kanya ab, sun nong ab nirya aryi Er uram kunuboka iya kam kubde binkwaming.

Er Iya Erebdobnyi nun molonanyi, Er kanya teleb asa aryi sun abwe yabwe asi boukwe kiboka, Er karen dinyi tabakdongoboka kareramwe to kuboka karebde binkwansir. Ara, Er Iya Erebdobnyi nun molonanyi biryi sun wa ibdobkwanduma nirya asi teleb dinyi akwe tabakdongoboka karebde binkwansir. A karebkwansir dinyi ara sun mi deiboka yaldakde binkwandum tam ab, bisam taleboka mi yaldakde binkwandum tam ab, wa ibkwandum ara tabakdongoboka karebde binkwansir.

Bok, Er Iya Erebdobnyi biryi ebdeibsou uram asi kekena kum uca, takloboka yuk kwemdeina asi molobmunyi ura, Er Imtamnyi biryi sunsi obkwansir. Ani, me Yordan kouboka otam bindoka kubkwandum mutuk aryi, sun kam kubde ban uki ara weik kum kibdeibkwansir. Eda, uki mitikanun kibdeibkwansir.

Ura, tubto Musa biryi sun Israel ninyi asi ato ebmou. Ara, “Arub aryi niryi sunsi a ebdeibsin uram ara, ‘A dinyi ati ebmar,’ teneboka bikwamarum. Ani, da yuk dikum aryi doboka kum ebmasin. Ati, sunci kekeboka kunubde binkwandum dinyi ati ebdeibmasin.

Ara, imtam aryi doboka kum ebdeibmasin. Akiryi, ‘Er Iya Erebdobnyi biryi ebdeibsou uram ara una kuboka kekebibiryi kunubkwayeb do?’ Ena kum ebkwamarum.

Ani, tonda weik me si laut kouboka otam aryi doboka kum ebdeibmasin. Akiryi sunci, ‘Unanyi biryi a weik me kouboka, Er Imtamnyi biryi ebdeibsou uram boyasiriba, kekeboka kunubkwayeb do?’ kum ebdankwamarum.