Ura, Musa biryi sun Israel ninyi asi ato ebmou, “Sangkuna sun kankan dam aryi, lengdera mananyi kibdandoka kum, Imtamnyi uram ermurunanyi kibdandoka kum, sun dam yaute ura, ‘Ilil tenen dinyi aminda kunubkwande,’ eboka kunubdeibsute. Ba, anyi eante tok kunubte ura, erci ato eboka nenebdobsute, ‘Sun kum bingdarur kwemdeina asi moloronkwayeb ati, yangandarur,’ eboka nenebdobsute. Ura, sunci a kwemdeina asi si weik eboka molobdate. Ato kuboka lengdera mananyi kum, Imtamnyi uram ermurunanyi kum, sun dam yandoka ebmasici ara Er Iya Erebdobnyi biryi a nang deici liknibdongoboka sunti dubdenmasurur. Ara, ‘Ni Imtamnyi bikwe sun kanya ab, sun nong ab, sun bingni dinyi ab kouboka ni tentok kanyi deibnei do?’ tenen ati teneboka dubdenkwamasurur. Ati, a nang uram kekebmunyei.