Popular Bible Verses from Daniel Uram 3

Share

Uca, Sadrakh ab, Mesakh ab, Abednego ab aryi sienyi Nebukadnezar bisi ato ebmai, “Nai sienyi, kan a ebmarim uram ara nunci lebesekoka kum lebdandobkwamab. Eda, nun Nai Imtamnyi, nun molonubnyi biryi kan taruk dam ab, uk buk angmaca umbura dongobmasiminyi dikum ab ababyi doboka lebdeibkwamasir. Ucab, nai sienyi, kanci nunsi uk buk umbura dongobmasiminyi bok, nun Nai Imtamnyi biryi lebdeibsici ura, kanci ninyi atoa kikniboka molorum kwemdeina kum molobkwankib,” ebmai.

Uca, sienyi Nebukadnezar biryi ato ebmou, “A nang winiryi ara tabwe deboka uk dongobmab bok, uk umbura asi ninyi dumbaryi yibanmang asi asing eibman. A nang ara uk yirdena kum uca, uk umbura dam asi ur mangkau asa ninyi dumbaryi yibaronmang asi asing eibman. Bok, dumunyi bira ninyi sirik urasin kuma, eda era yuka nun milibmar,” ebmou.

Ura, a mutuk sienyi Nebukadnezar biryi ato ebmou, “Diba, Mesakh ab, Abednego ab, Sadrakh ab sun Nai bira dib kurur. Ati, niryi sun Nai Imtamnyi bisi si weik eboka kibman! Er Imtamnyi biryi Er mabwe lebdeibkwamou ati, Er dam wa in nang malaikat nang bokwetebmou ba, lemdeiriryanmang. Sun a winiryi nang ara sun Nai Imtamnyi bikwe, ‘Dib kurur, yuk kwemdeina molona nun li,’ teneboka kanyi deirirnung. A deyok aryi ni a mutuk sienyi ebmonwe uram ara yan yanibmaningci, ni kikniboka molonun kwemdeina babyi, yuk-yuk kwemdeina nirya babyi ara, ‘Nun li,’ tenebmang. Ani, sun dam nang aryi, ‘Uk da dongobsunung,’ tenen karebdanmang.

A deyok aryi ni uram tentok ebkun ara, ‘A mutuk nirya uram yuk-yuk enung ninyi babyi, yala yuk-yuk kunung ninyi babyi, nirya ara Sadrakh ab, Mesakh ab, Abednego ab sun molonung Imtamnyi bisi malyi kibmunyei. Unanyi biryi a nang sun Nai bisi malyi kiboka ina ngilikmarinyi bira ya sekoka, er ai uk daboka mitik-mitik kibkabokwan. Ara, a nang sun molonungnyi kurur to ara, yuk kwemdeina aryi ato ton kum ukurur ati ebman,’” ebmou.