Popular Bible Verses from 2Raja-raja Uram 2

Share

Ba, a me kouboka otam sirya binmarei ura, Elia biryi Elisa bisi ato ebmou, “Niryi kansi takloboka, imtam kum welebinabnyi talak aryi, ‘Erci, a dinyi asi karebnute,’ tenerum dinyi ukuca ur molobdobdum ba, karebkwankin ati,” ebmou. Uca, Elisa biryi, “Kan mikib asi karebniminci, tubto tabakoka liki bitinyi karebnurum. Ara, sun Er Imtamnyi uram ermurun nang nabi nang asi karebumwe to kuboka karebnurum. Ba, niryi kan unubniryi, sun sienyi kiboka talebkwan,” ebmou.

Ura, tuba sisikde banmarei bok, ninyi kongkong eboka borande keica, bisam kuda aryi borande kereta uk buk angmoua aryi yandoka sunsi yuk-yuk bokeibmou. Ura, weik kumwe ibalya deici aryi, Elia bisi imtam bobdakde welebdobmou.

Uca, Elia biryi Elisa bisi ato ebmou, “Er Imtamnyi biryi imtam bowelebanici asi, asing eibniminyi ura, Imtamnyi biryi kan molobmarim dinyi karebkwamakiriryi. Asi, asing kum eibniminyi ura, Er Imtamnyi biryi kan molon dinyi kum karebkwamakiriryi,” ebmou.

Ura, Elia ongon aling bobmou aryi, a me deici yandoka kulabmouci, “Elia molorur Imtamnyi, Er Iya Erebdobnyi bira dantam do?” eboka a me asok asi kulabmou. Ba, a me eitam-outam sekdobmou ba, Elisa koubdaka bindobmou.

Asi, Elisa biryi sirya eibmouci, “Nai Elia, nai Elia! Israel mutuk nang asi mikib kuboka talebumci kalingdamoumwe! Bok, Nai ura, kan sirya bindobdim!” eboka uram ngwelekoka dobmou. Ura, Elisa urasin dam aryi Elia sirya bindobmou. Ba, Elisa biryi, “Elia boukwe, se,” tenen kanya bobmouci, er ongon aling kwiliklobmou.

Ura, Elia biryi er ongon aling kwiriboka akub-akub ebtalebmouci, a me asi kulabmou. Ba, a me ara eitam-outam sekdobmou asi, noutam tukwe kib deici asi binmarei.

Er Iya Erebdobnyi biryi Elia bisi ilila ibalya biriman aryi imtam bowelebinkwamou talak sirya dam kubmou. A talak aryi, Elia ab, Elisa ab ara Gilgal mutuk dam bisik noutam banmarei.