Popular Bible Verses from 1Samuel Uram 1

Share

Ura, Hana biryi Imtamnyi biti, “Niryi, aminda Kanti ukubkwankin,” en uram eboka ato ebmou. “Nai Iya Erebdobnyi, Kanda im ab, tukwe ab kiknibumnyi kurum. Kanci, ni kan wa in ner mambul kanya bonun dinyi asi, iya dib dibliliboka, ni molona kekebnurum. Kekebniminyi ura, sal mi tentok karebnurum. Ba, niryi a mi ara Kansi iya karebkwankin. Ba, a mi ara Imtamnyi Kanti wiboka karebkinyi ba, Kan mi kibci ura, Kan wa iya ibde binkwande. Ba, er otong ara otong komna but aryi er kisok otong asi mitik ton kum kalubdenkwaming,” ebmou.

Uki tentok tum ara Er Iya Erebdobnyi biti dama deiboka molon ai Silo dam Elkana ab, er nerabwe mabwe ab dama deiboka molorbinmai. A talak ara Eli bira Silo dam Er Iya Erebdobnyi biti ninyi dama deirinanyi imam kiboka Imtamnyi ai wa inanyi kuramwe. Elkana ner Hana bira sun yina ab me ab sirya yibmai ura, Hana biryi Eli Er Iya Erebdobnyi biti dama deiboka molon ai abyokomna wiliboka bublan dam bukmou asi binmou. Ura, “Se,” tenen kanya aryi Er Iya Erebdobnyi bisi moloboka, isin dakeiboka-dakeiboka engebmou.

Uca, Hana biryi ato ebmou, “Nai, ni walina talebmanira kuma, eda nira mambul kanya weik bobde kunun ner kunun. Nira anggur babyi, yuk walina talen me babyi ton yinun ner kuma. Eda, ni mambul kanya bobmanci, ni tenen kanya Er Iya Erebdobnyi biti lak eboka molonman.

Ara, Er Iya Erebdobnyi biti, ‘Mi ton karebnurum,’ eboka molonmase. Ba, Er Iya Erebdobnyi biryi ni molobdobse to kunuboka a mi karebnou ba, a boyan.

Ura, Eli biryi ato ebmou, “Teleb, ur birum! Nun Israel nang molonubnyi biryi kanci Ersi molobdobmarim to kunubdeibkwamakir,” ebmou.