Popular Bible Verses from 1Tawarikh Uram 16

Share

Er Iya Erebdobnyi ab, Er mikib ab asi ingkiringna teleb. Er Iya Erebdobnyi urasin asi ingkiringna teleb.

Er Iya Erebdobnyi bira iya telebnyi kurur. Ati, ‘E nun Nai, nun babya,’ eboka kirona teleb. Er Iya Erebdobnyi biryi busul kuboka, boukwe kimsurur dinyi ara kum danana kum kubkwande. Eda, iya kubmurubkwande.

“Er Iya Erebdobnyi biti, ‘Nun Nai, nun babya teleb,’ eboka kibdarur. Nun Nai, Er Iya Erebdobnyi ukurur to ara yuk mutuk im dangna tukwe dangna ab asi, ‘Imtamnyi bira ukururnyi kurur,’ ebde bindarur!

Nunda, Er mabwe nermabwe kunub ati, Er Iya Erebdobnyi bisi si weik ererdeirina teleb. Nun Er Iya Erebdobnyi bisi ingkiringnandum ninyi ara kanya kilkil asa kuna teleb.

Er Iya Erebdobnyi biryi ilil tenen dinyi ukurur dinyi asi tuba teneina teleb. Er Iya Erebdobnyi biryi ukubmanto kum dinyi ukuboka, ninyi asi ikin dinyi kareboka wenerurci, ‘Ukuboka wenebkwansin,’ erur dinyi asi teneina teleb.

Nun Nai Iya Erebdobnyi bisi mot seboka si weik erebdarur! Er Iya Erebdobnyi biryi ilil tenen dinyi kunurur to asi, ‘Imtamnyi bira ukurur,’ eboka nukde bindarur.

Ara, Er Imtamnyi Iya Erebdobnyi kurur ati, Er si weik erena teleb! Ani, yuk-yuk kwemdeina ara Er Iya Erebdobnyi ukurur dinyi kikibmanto kum kurur! Er Iya Erebdobnyi bira ilil tenen dinyi bisiboka weikto dinyi kunurandanyi kurur.

Er Iya Erebdobnyi bisi si weik ereboka ibarya kibkarebdarur. Er Iya Erebdobnyi urasin dam wengbindoka, Erti dama deirina teleb. Ura, sun nong bol asi Imtamnyi dam wengbana kikiman bol kibdandobmunci, Er Iya Erebdobnyi dam bindoka kutam sunsunubmunyi ura, kisok luknubdongoboka molona teleb.

Er Iya Erebdobnyi bira Er iya ereboka bukuryi, Er dam ibarya dumdum erur! Er kurur ai dam ara milil araboka, iya telebto dikum aryi kilkil asa kun ai kurur.

Ati, nun tukwetam kunub ninyi nirya Er Iya Erebdobnyi biti mot seboka si erena teleb! Er Iya Erebdobnyi biryi lemsurur dinyi ati, dantam-dantam nirya asi, ‘Imtamnyi biryi tuba-tuba lemsurur,’ ebde bana teleb.

Er Iya Erebdobnyi biryi Er ibarya milil kurur dinyi ati, yuk mutuk nang asi nukde bindarur! Ani, Imtamnyi biryi ilil tenen dinyi kunurur dinyi ati, yuk-yuk mutuk nukde bana teleb.

Ani, Er Imtamnyi biryi ato eramwe, ‘Ni mabwe kibse nang asi dumtordena mem!’ eramwe. Ani, tonda ‘Ni uram ermurun nang asi mar ina mem!’ eramwe.

Tukwetam kwemdeina molonung dinyi ara ninyi aryok, ‘Ukutotoa,’ tenen kiknibdeiboka molonung. Uca, Er Iya Erebdobnyi bira Erci im ab tukwe ab kiknibunyi kurur!

Er Iya Erebdobnyi erci, uram talak kirikeibwe dinyi ara luba kimna kum uca, tuba teneirur! Er Iya Erebdobnyi biryi er uram iya omona eamwe uram, ninyi odei-odei yangaramnyi ani, liki 1.000 baryi deirinung ababyi Er uram tuba bingdur.

Im kan kilkil kukina teleb! Tukwe kan karya karyi kukina teleb. Im dangna tukwe dangna nang asi, ‘Weik sienyi bira Er Iya Erebdobnyi tentok kurur,’ eboka eterebde bindarur!

Er Iya Erebdobnyi, Israel nang molonubnyi bisi si weik eboka kirona teleb. Ara, minob a kuramwe ani, iya kubde binkwande ati, Ersi akwe si weik ena teleb. Ba, sun a wekmai ninyi nirya aryi, ‘Yo, diba, Amin!’ Nun Nai Iya Erebdobnyi si weik ebmakib,” eboka mot sebmai.

Tukwetam nang nirya Er Iya Erebdobnyi bisi si weik ereboka kisal dangna teleb! Er Iya Erebdobnyi dam akwe ibarya kuboka mikib dinyi kurur!