Popular Bible Verses from Mathi 7

Share

“Chacie, siro khapie nie tsütuo; pfhüya zocie, siro nie ngulietuo; ketouya zocie, siro khrüshü nie tsütuo.

Kekreilamonyü kehoupuorei chayakezhamia ngulieya, mu kehoupuorei pfhüyakezhamia ngulieya, tsiu kikha khrüpie ketouyakezhamia tsüya.

“Süla kehoupuorei a die hako rünyülie di süko chüüzeyakezhamia sü mhakesikelemia puoe tsiekrie geinu puo ki chükelieu mhie zo.

“Süla mia nie gei kedipuo chüshü ro nie nei shiü nie rei mia gei sükemhie chüliecie; kekreilamonyü thezho-u mu siedzekesiko sü hauha zocü la.

Derei kerhei nu kevo kharuu mere tsiu sünu voketuo chau re, mu mia huoyo rübei süu ngulieyakezha zo.

“Nieko kharu kemereu ze lelie; kekreilamonyü keka nu voyakezha kharuu meya mu cha süu rüü, tsiu themia kekra süu ze voya.

Nieko themia kesuomia zorei mha kevi pie nie nuonuo ketsü do siya ro teigei keba nie Puoue mha kevi pie mia puo ki chayakezhako tsü sa phi motuo me?

“Mia kejo pfhü hie, siliro mia rei nie pejo molietuo. Kekreilamonyü nie mia pejo ro sümhie nie pejoketuo la, tsiu nie mia gei chükeshü tuoi mia rei nie gei chü lashü zotuokecü la.

Derei kehoupuorei a die hako rünyülie di süko chüüzeya kemomia sü mhalekemomia puo huocanyo geinu puo ki chükelieu mhie zo.

Kiüdi n thuo n mhi nu seipe kebau le mo di n siezeu mhi nu puochuyo mehoya ga? Morei n mhi nu seipe kebau biewa mo di n siezeu ki, ‘A bu n mhi nu puochuyo kawacie’ iya ga?

“Ketijü siedzekesiko la nie kireiliecie, süko tekuo pfhenei se di nie ki vorzhie, derei uko nou we mha tekecü socie kro puo zo. Nieko uko si geinu uko silietuo. Zohubo geinu khubesi rielie, morei kikhahubo geinu chiedesi rielieya me?

Sütuoi sei kevi kheko puo si kevi vülieya, derei sei kesuo khe puo si kesuo vütaya.

Seibo kevi puorei puosi kesuo vütalie kenjü, mu sei kesuo puorei puosi kevi vülie kenjü.

Seibo kehoupuorei puosi kevi vülieyakemo-u wiwa di kelhoupie mi nu shüwaya.