Popular Bible Verses from Mathi 18

Share

Kekreilamonyü mia keniekese a za nu vo kehoukengukezhara a süko donu ba zotuokecü la.”

Siro a nieko ki pu sashütuo, nieko mia kenie kenourhe di mhakehoupuorei cha ro, teigei keba a Puou thuo mha süu chüshü nie tsü zotuo.

Sitse puoe nhicunuomia yopuo kielie di puo bu uko donu balie. Sidi sie, “A nieko ki pu toushütuo, nieko rüdilie di nhicunuomia kemhielie kemosie nie mhakipuorei teigei kedi nu lelie kenjü zo.

Kehoupuorei puo chü kerünuopie nhicunuomia hayo mhiekelieu teigei kedi nu kezhatho-uwe.

Siro kehoupuorei a za nunu nhicumia hikecü yopuorei zeliekezhamia a zelieya.

A nieko ki pu toushütuo, nie kijü nu mhakehoupuorei kha liro teigei rei kha zotuo, mu nieko kijü nu mhakehoupuorei khrükeshüu teigei rei khrüshü zotuo.

Sütuoi nieko kehoupuorei nie nou nu nie siezedzüriemia kejo vapie tsülie kemosie, teigei keba a Puou rei nieko gei sükemhie chü zotuo,” sita.

“Nie kehoupuorei a pelekezha kecü hako donu mia yopuorei chü pesuokeshümia, mha kegetsie kezha puo pie nie vo gei goushü di dzükezha kesou nunu pelheikhrikewa we nie dze vikuotuo.

Nieko kedipuo le ga? Mhanuü mia puo tekuo krie puo ba di süko donu puo yotuota ro, puo kekrei hiethepfüethepfüko pie kijüthou gei tha di vo jüketayo pfhü lho üme?