Popular Bible Verses from Mathi 16

Share

Süsie Jisue pethakelieko ki, “Kehoupuorei a siemedzi kenyümia sümia bu u thuo u meliewa, mu u krus pielie, di a siemedziliecie.

Süla harie, no Pitor, a tsiedi hau geinu a kehou chütuo; siro Hades kharuko puo penyülie lho.

A teigei kedi cabiko pie n tsütuo; tsiu no kijü nu khakecüko teigei rei khatuo mu mhakehoupuorei kijü nu khrüshü ro teigei rei khrüshü zotuo,” sita.

Kekreilamonyü kehoupuorei u thuo u phou pekru nyükezhamia süu pejüwatuo; derei kehoupuorei a la puo phou pejükeshüu süu ngu lalietuo.

Siro miapuonie kijüu pete peviepie puo vie chülie ürei puo phou pekapejüwa ro kedipuo pralietuo ga? Morei mia puo kedipuo pie puo phousou chülie vituo ga?

Puo sie uko ki, di siro “Nieko a üse supuo üya ga?” Siru Simon Pitor sie, “No Khristau, rhei tuoyakezha Ukepenuopfü Nuou zo.”

Sitse Jisu sie, “Jona nuou Simon, no thejakepfütho zo, chüüzie nunu monyü, teigei keba a Puou thuo pie n pesipengushü zokecü la.