Popular Bible Verses from Salmos 119

Share

Che alava si iek memeli kai del villelo pe mo drom.

Che alava thodem ande mo lio te na cherav chuke o bilachipe.

¿Sar ka chistol po zivoto iek terno? ¡Te kandela che alava!

Blagosime gola kai thoven sama pe leke zakonura, ta roden le sa pe liea.

Tu guruve man ta arakhe man, ande cho alav me uzdiu man.

De man o bizaipe te kandav cho zakono, ¡mangav te kandav le sa me liea!

Cher mo lio te mangel che zakonura a na e love kai lenpe bilachimaia.

Cherda mange sukar kai jalem lallao, soke gia sikilem che zakonura.

Ta gava del man zor ande zalba, soke che alava den man zivoto.

Inllar man po drom katar che zakonura, soke kana phirav pe lende sem veselo.

Devla, sikav man o drom katar che zakonura, soke mangav te phirav pe lende llik kai o son.

Mo lio pharrol katar e briga, ¡De man zor, prema e sovel kai jalan!

¡Gachin voliu cho zakono! ¡Sorro llive misliu man ande lete!