Popular Bible Verses from 1 Kronikas 16

Share

Roden e Devle ta leki zor roden le suako drom.

Den fala e Devle, soke o Del si lacho, soke leko volipe si ostade.

¡Den fala e Devle! ¡Cheren te pinllaren ande phuvia leko anav! Phenen ande forura so cherda o Del.

¡Cheren baripe ande leko baro anav! ¡Te veselinpe e lie katar e llene kai roden e Devle!

Den tumen golli katar e bare ta glamne ezgode kai cherda, ta katar e zakonura kai phenda.

Llilaben leke, llilaben llilia. ¡Den orba katar e bare ezgode kai cherda!

soke o Del si baro ta prema le si o blagosipe, letar si te dara mai but neko katar sa e dela

Den e Devle o liubao kai si prema leko anav. Den ande leki bar, ta anen leke so si dino. Den changa angla o Del ando sukaripe katar e santidad.

¡But baripe si angla le! ¡But zor ta sukaripe si ande leki chara!

Llilaben en Devleke sa o sueto, phenen suako llive leko braduipe.

Den orba katar leko baripe, ta katar e glamne ezgode kai cherda angla sa e forura ta e phuvia

ta phenda e charonenge: Te na dodin e llenen kai me esvirime, na dukhaven me profetanen.

soke sa e dela katar aver phuvia ni mol len niso, a o Del cherda o miloso.

I te nakhena milia porodura ni ka bristarelpe kai dia po alav

¡Te veselinpe o miloso ta e phuv! Te phenen ande sa e phuvia: ¡O Del charoil!

¡Blagosime te avel o Del katar o Israel, ostade, ostade! Ta sa o foro phenda: Gia te avelpe, ta blagosisarde e Devle.

E viche ta e forura den e Devle e zor ta o baripe.