Popular Bible Verses from Ukunukuo 6

Share

Neeno nëgararava, na ngwë na ërëfo nyümbü ëmwedu faafo, ikeru rayo rityuku. Na rina ra munyaumënatëa wayo na Ikuya, na Guurungu agamuhonga unyuma. Vasaa vëgafewa udaho gunto a gëfande gëmwedu ga urëmi, vëvauraghe antu gwa itëmeo, njaa, sumida na gwa miimwana në makharë në a muuremi.

Nene nëgararava na ngwë naa gwina nyumbu ëmwedu njeru faafo. Na munyaumënatëa wayo na wina uta, agafewa nanë ngaa. Uvii, agadua mwino muhumi afwagheere uhuma.

Kangë Mwankhoo agawuunanga mühüri wa gatano. Nëgaona faafo fang'ë a Ikumbëkëo ra utunchëya urumba nkhoo ya vasaa nëyauraghiwe gusoko a ukhani wa Muungu, na gusoko a utanantya.

Uvii, vëgarëa gwa ruri ukuu: “Vee Müküü në wëmweru, na umunyatüte, faka nanee nëugutinya uvarëfesya anya gëkhaa voong'e va muuremi gusoko a guuraghwa kunë sese?” Vëgafewa mu muntu isaa riiëfu ryëru, vëgakhanëwa vëfwaghëëre giëndeya gwa itungo ikufë, faka rëkhonde isabu ra atumami vauya nanë anyandughu nëvëguuraghwa mwino veeso aghonjo nëvauraghiwe.

Neeno nëgararava na ngwë na ërëfo nyümbü ëngëja faafo nkhooku. Munyaumënatëa wayo agafewa mwëmo wa uheya majëghana muuremi, antu viuraghe; agafewa itemeo ikuu.

Gusoko itiku ra makuwo awe rafikaa. Anyu nëudahete utang'anëya nayo?”

Kange nëgararava, na itungo nënaa Mwankhoo agawuunanga mühüri wa mutandatu, gugatëndeka gëtëtëmo giküü ga fang'ë; yuva rëgatënda kiti mwino musuta; mweri woong'e ugatënda ukhookuju mwino saghami; njota ya girunde noo igagwa gunto a fang'ë mwino nkhari ya mutini nëëfwagutëye nëyiugwa itugo në mutë wayo wahingisiwa na mpefo nënkuu.

Kangë Mwankhoo agawuunanga mühüri wa gatatu. Nëgamëtëgheeya ntundo ëyoo a gatatu në ina ufanga ëguhanya, “Njuu!” Nëgararava na ngwë na ërëfo nyümbü ëngëja, njiutëki. Munyaumënatëa na wina intu ra ugheera urëto umukhono wakwe. Nëgategheeya intu mwino ruri ugufuma kunë ntundo ëyoo në ine në yina ufanga. Weesonoo ugahanya, “Gëbaba gëmwedu ga utü wa ngano gwa hela dinari ëmwedu, nane vibaba vëtatu vya sayiri gwa dinari ëmwedu. Ëgweeso utaruvange maküta mba divai.”

Nto ëgaheywa mwino ibada nërëubëdwabëdwa; vitanto vyoong'e na ndujë yoong'e vigaheywa fana naa vyërë. Kangë atëmi va muurëmi, aküü, ahomi në aküü, aghwarë, anyanguu, mu umutughwa na muntu nëtëmutughwa, vëgagëfiha mumpanga nanë umatalaghwe a muvitanto.