Popular Bible Verses from Whakatauki 13

Share

Haere i te taha o te hunga whakaaro nui, ā, ka whai whakaaro koe; ko te takahoa ia o ngā kūware, ka mamae.

Ko te tangata e tiaki ana i tōna māngai e pupuri ana i tōna ora; ko te tangata ia e hāmama nui ana ōna ngutu, ko te whakangaromanga mōna.

Ko te tangata e kaiponu ana i tāna whiu, e kino ana ia ki tāna tama; ko te tangata ia e aroha ana ki a ia, ka papaki wawe i a ia.

He manako tāringa roa, he patu ngākau; ka tae te koronga, ko te rākau ia o te ora.

Ko te tika hei kaitiaki mō te tangata e tapatahi ana te ara; ka whakatakā anō te tangata kino e te hara.

Ko ngā taonga i puta mai i te whakamanamana ka iti haere; ko tā te tangata i whakaemi ai, he mea mahi, ka tupu haere.

He totohe anake i ahu mai i te whakapehapeha; he whakaaro nui ia kei te hunga i ngā kupu tika.

He whakarerenga iho tā te tangata pai mō ngā tamariki a ngā tamariki; kei te rongoā mō te tangata tika ngā taonga o te tangata hara.

Ko te tama whakaaro nui ka rongo ki tā tōna pāpā ako; ko te tangata whakahī ia e kore e rongo ki te riri.

Ko te tangata kāhore e pai ki te papaki, māna te rawakore, te whakamā; engari ko te tangata e whai mahara ana ki te ako, ka whakahōnoretia.