Popular Bible Verses from Whakatauki 12

Share

Mā te pōuri i roto i te ngākau o te tangata e piko ai ia; mā te kupu pai ia ka mārama ai.

Ko te tangata e aroha ana ki te kupu ako e aroha ana ki te mātauranga; nā, ko te tangata e kore e pai kia rīria tōna hē, he pōauau tērā.

He tangata anō ko āna kōrero maka noa, me te mea ko ngā werohanga a te hoari; he rongoā ia te arero o te hunga whakaaro nui.

He tika tonu ki ōna kanohi ake te ara o te kūware; e whakarongo ana ia te tangata whakaaro nui ki te kupu whakatūpato.

Ko te kūware, e mōhiotia wawetia ana tōna riri; e hīpokina ana ia te whakamā e te tangata ngārahu tūpato.

He wahine e ū ana tōna pai, hei karauna tērā ki tāna tāne; tēnā ko te wahine i whakamā ai ia, hei pirau tērā i roto i ōna wheua.

He mea whakarihariha ki a Ihowā ngā ngutu teka; ko tāna e āhuareka ai ko ngā kaimahi i te pono.

Hira ake te tangata tika i tōna hoa; te hunga kino ia ka whakapōhēhētia e tō rātou ara anō.

Ka ū tonu te ngutu pono ā ake ake; mō nāianei kau ia te arero teka.