Popular Bible Verses from Ihāia 52

Share

Anō te āhuareka o ngā waewae i runga i ngā maunga o te kaikawe i te rongo pai, e kauwhau ana i te maunga rongo; e kawe mai ana i te rongo whakahari o te pai, e kauwhau ana i te ora; e mea ana ki a Hiona, “E kīngi ana tōu Atua.”

Pērā i te tini i mīharo ki a koe – i kino iho hoki tōna kanohi i tō te tangata, tōna āhua i tō ngā tama a te tangata – waihoki he maha ngā iwi ka tāuhiuhia e ia; ā, ka kopi te māngai o ngā kīngi ki a ia. Nō te mea ko ngā mea kīhai i kōrerotia ki a rātou ka kitea, ko ngā mea kīhai i rangona ka mōhiotia.

Nanā, ka mahi tūpato tāku pononga, ka whakatiketiketia ia, ka hāpainga ki runga, ā, ka tiketike rawa atu.