Popular Bible Verses from Ihāia 51

Share

“Ko ahau, inā, māku koutou e whakamārie; ko wai koe, e wehi nā i te tangata e matemate nei, i te tama a te tangata ka meinga nei hei tarutaru?

Ā, kua hoatu e ahau āku kupu ki tōu māngai; kua hīpokina koe ki te marumaru o tōku ringa, kia whakatōkia ai ngā rangi, kia takoto ai te tūranga mō te whenua, hei mea hoki ki Hiona, ‘Ko koe tāku iwi.’ ”

“Whakarongo ki ahau, e koutou e mōhio nā ki te tika, e te hunga kei ō koutou ngākau nei tāku ture; kei wehi i te tāwai a te tangata, kei numinumi i ā rātou taunu.

Tā te mea kua whakamārie a Ihowā i Hiona; kua whakamārie ia i ōna wāhi katoa ka ururuatia, kua mea hoki i tōna wāhi koraha kia rite ki Erene, i tōna wāhi tītōhea kia rite ki te kāri a Ihowā; he koa, he hari, ka kitea i roto, he whakawhetai, me te reo hoki e waiata ana.

Nā, ko ā Ihowā i hoko ai ka hoki mai, ka haere mai ki Hiona, me te waiata anō rātou; i runga i ō rātou māhunga he hari e kore e mutu; ka whiwhi rātou ki te koa, ki te hari; ā, rere ana te pōuri me te auē.