Popular Bible Verses from Ihāia 44

Share

Nō te mea ka ringihia e ahau he wai ki runga ki te tangata matewai, he awa ki te wāhi maroke; ka ringihia e ahau tōku wairua ki ōu uri, tāku manaaki ki tāu whānau.

“Ko te kupu tēnei a Ihowā, a te Kīngi o Īharaira, a tōna kaihoko anō, a Ihowā o ngā mano: Ko ahau te tuatahi ko ahau anō te mutunga; kāhore atu hoki he Atua, ko ahau anake.

Ko ōu hē, murua ake e ahau, me te mea he kapua mātotoru; ko ōu hara, me te mea he kapua; hoki mai ki ahau; nāku hoki koe i hoko.”

Kaua e wehi, kaua e pāwera; kīhai ianei i kōrerotia e ahau ki a koe ngā mea onamata, i whakaaturia hoki? Ko koutou anō hei kaiwhakaatu mōku! Tērā atu rānei tētahi atua kē? Āe rā, kāhore he kāmaka; kāhore ahau e mōhio ki tētahi.”

Ko te kupu tēnei a Ihowā, a tōu kaihanga, nāna nei koe i whakaahua i roto i te kōpū, māna nei koe e āwhina, Kaua e wehi, e Hākopa, e tāku pononga, e Iēhuruna, e tāku i whiriwhiri ai.