Popular Bible Verses from Ihāia 26

Share

Māu e pupuri i runga i te rangimārie rawa – te tangata e ū ana te whakaaro ki a koe; nāna hoki i whakawhirinaki ki a koe.

Whakawhirinaki ki a Ihowā ā ake ake, nō te mea kei te Ariki, kei a Ihowā, he kāmaka mau tonu.

Minamina tonu ahau, tōku ngākau, ki a koe i te pō; āe rā, ka moata ahau, tōku wairua, ki te rapu i a koe. Nō te mea i ngā wā e puta ai āu whakaritenga ki te whenua, ka ākona te tika e ngā tāngata o te ao.

Ka whakaritea e koe, e Ihowā, he rangimārie mō mātou, nāu nei hoki i mahi ā mātou mahi katoa mā mātou.

Kei te ara nei anō mātou o āu whakaritenga e tatari ana ki a koe, e Ihowā; ko tōu ingoa, ko te mahara ki a koe tā ō mātou wairua e minamina nei.

Ko te ara o te tangata tika, he tika; e whakatikaia ana e koe, e te mea tika, te ara o te tangata tika.

Kua whakahokia iho hoki e ia te hunga e noho ana i runga, te pā tiketike; takoto rawa i a ia, takoto rawa ki te whenua, pā rawa ki te puehu.

Whakatuwheratia ngā kūwaha, kia tomo mai ai te iwi tika e pupuri ana i te pono.