Popular Bible Verses from Ihāia 25

Share

E Ihowā, ko koe tōku Atua; ka whakanuia koe e ahau, ka whakamoemititia e ahau tōu ingoa; he mahi whakamīharo hoki āu, arā ko ngā whakaaro i takoto nei i mua, i runga i te pono, i te tika.

Kua horomia e ia te mate ake ake; ā, ka horoia e te Ariki, e Ihowā, ngā roimata o ngā kanohi katoa, ka whakakāhoretia anō e ia te whakahāwea ki tāna iwi puta noa i te whenua; nā Ihowā nei hoki te kupu.

Ko te kupu anō tēnei i taua rā, “Nanā, ko tō tātou Atua tēnei; i tatari tātou ki a ia, ka ora anō tātou i a ia. Ko Ihowā tēnei; i tatari tātou ki a ia; ka hari tātou, ka koa ki tāna whakaoranga.”

Ka whakakāhoretia anō e ia i runga i tēnei maunga te mata o te hīpoki e hīpoki nei i ngā iwi katoa, me te taupoki e taupoki nei i ngā tauiwi katoa.

Ā, ka tukua e Ihowā o ngā mano he hākari mā ngā iwi katoa ki runga ki tēnei maunga, he mea mōmona, he wāina nganga hei hākari, he mea mōmona, kī tonu i te hinu wheua, he wāina nganga, tatari rawa.