Popular Bible Verses from Kaikauwhau 8

Share

Kātahi ahau ka whakamoemiti ki te koa; nō te mea kāhore he mea pai ake mā te tangata i raro i te rā, ko te kai anake, ko te inu, ko te harakoa. Ko tērā hoki e mau ki a ia i roto i tōna māuiui i ngā rā o tōna oranga, i hōmai nei e te Atua ki a ia i raro i te rā.

Ahakoa he rau ngā mahi hē a te tangata hara, ā, ka roa ōna rā; heoi e mōhio ana anō ahau, ka pai te tukunga iho ki te hunga e wehi ana i te Atua, e wehi nei i tōna aroaro.

He wā hoki tō ngā meatanga katoa, he tikanga anō; he nui hoki nō te hē o te tangata i runga i a ia.

Kāhore he tangata e whai mana ana ki te wairua, ki te pupuri i te wairua; kāhore hoki he mana ki te rā o te mate. I taua pakanga hoki e kore tētahi e tukua atu; e kore anō te kino e whakaora i te mea e tukua atu ki a ia.

He kore i hohoro te whakaoti i te kupu whiu mō te mahi hē, koia i kī tonu ai ngā ngākau o ngā tama a te tangata i roto i a rātou ki te tohe ki te mahi i te kino.

He horihori tēnei e mahia nei i runga i te whenua; arā he hunga tika ēnei, ā, ko te mea e pā ana ki a rātou pērā tonu i te mea e pā ana ki te mahi a te hunga kino; ā, he hunga kino ēnei, ā, ko te mea e pā ana ki a rātou pērā tonu i te mea e pā ana ki te mahi a te hunga tika; i kī ahau he horihori anō hoki tēnei.

Kāhore hoki ia e mōhio, ko te aha e puta ā mua, mā wai hoki e whakaatu ki a ia te pēheatanga o te putanga?