Popular Bible Verses from Kaikauwhau 7

Share

Kei hohoro tōu wairua ki te riri; kei te uma hoki o ngā wairangi te riri e noho ana.

I te rā pai kia koa, ā, i te rā kino whakaaro; kua mahia nei hoki e te Atua tētahi kia takoto tahi me tētahi, he mea kia kaua ai e kitea e te tangata tētahi mea i muri i a ia.

Ko te mutunga o te mea, pai atu i tōna tīmatanga; pai atu te wairua manawanui i te wairua whakakake.

Kāhore hoki he tangata tika i te whenua e mahi ana i te pai, ā, kāhore ōna hara.

Hei whakamarumaru iho te whakaaro nui, hei pērā hoki i te moni te whakamarumaru; ko te pai ia o te mātauranga koia tēnei, ka ora i te whakaaro nui ngā tāngata nāna.

Ko te ingoa pai, pai atu i te hinu utu nui; ko te rā o te matenga, pai atu i te rā o tō te tangata whānautanga.

Ko te whakarongo, ina rīria te hē e te tangata whakaaro nui, pai atu i tā te tangata whakarongo ki te waiata a ngā wairangi.

Ko te haere ki te whare tangihanga, pai atu i te haere ki te whare hākari; ko te mutunga hoki ia o ngā tāngata katoa; ā, ka rongoātia e te tangata ora ki roto ki tōna ngākau.

Kei te whare tangihanga te ngākau o te hunga whakaaro nui; kei te whare ia o te kata te ngākau o ngā wairangi.