Popular Bible Verses from Hena Waefeso 4

Share

Na mukete vyedi unywi na unywi, muoke na ngoro inyoie, mukishighiana, sandu Izuwa pia ghati ya Kristo emushighie unywi.

na kinyenya kyose na wuhoo, na kugumiria, mukitikana na waghenji ghati ya lukundo

Kiteto kiwoie kisifume ghati ya itumbu lenyu, nde ekyo kyedi hena kujengia sandu kuwaiya kuneoka, kiwone kuwainga mvono wala wesikia.

Luwawo lose, na oro, na lureghijo, na kilozo, na kurigha, ivi viwikwe hae kufuma henyu, hamwe na tiri yose.

Reghijeni, na musikete ng’oki: nzano isiseie oro yenyu: nete musimwinge Shetani mwanya.

ti muhambua, hena mburi ya mitongie yenyu ya kuwoka, mundu wa kae, enyamarika ghati ya malangwa ma kukenga; na ti muwawuwa ghati ya ngoma ya lusaro lwenyu, na mudoke mundu msha, eye hena mikayie ya Izuwa elungiwe ghati ya ngalo na wusheneto wa kididi.

mukiketa lunyarki kuugura umwe wa Ngoma ghati ya luchungo lwa luworo.

Akawainga mondo kuoka waondo: na mondo, waroti; na mondo, waanjilisti; na mondo, warisha na walosha; hena kukurijwa kwa weshenete, hena ndima ya luhirio, hena kuujengia muri wakwe Kristo: mtano twaufikia wose umwe wa luitikijo, na wa lutwarijo lwa Mwana wa Izuwa, mtano mundu mzima, mtano kighesho kya mng’ana wa kuizua kwakwe Kristo

tusiokewa waana, tukiwiritwa uko na uko na tukitikwa na ngungu yose ya ichundo, hena ukeleki wa wandu, ghati ya ng’eno, hena mailejo ma kukenga; nde tukiteta kididi ghati ya lukundo, tuehe ghati ya vyose mtano hakwe, eye mtwi, Kristo