Popular Bible Verses from Valoma 10

Share

Kangi lili biihi naave, pakuva wone unake mu mulomo gwako ukutigila, “UYesu ye Mutwa,” nu kufuuwa mu numbula yaako ukutigila, uNguluvi amudzulubwise ukuhuma ku wulungu, uhadza wiipokwa.

Pakuva umuunu pe iifuuwa mu numbula yaakwe, iiviikwa ukuvedza mugolofu, kangi pe iinaka mu mulomo gwakwe, apo iipokwa.

Neke lino, avaanu vali nu lufuuwo, pakuva vápuliike imola dza Kilisiti, navo viipulika pakuva vádalikiilwe.

UWusimbe uWiimike wiilonga imola dza Kilisiti ukutigila, “Umuunu ye avedzaga ye akumufuuwa uyo, asilaayeyewuka nambe kigono kimwinga!” Pakuva kungaya milekanile, ku Vayahudi na avasili Vayahudi. UMutwa ye yumwinga, ye Mutwa va vonda, kangi musandzi ku vaanu vonda avakumunyilika. Pakuva uWusimbe uWiimike wiitigila, “Umuunu ye avedzaga ye iikemeelela mu litaawa lya Mutwa, alaapokwa.”

Kangi avaanu viidalika wuli ngana vasitumiilwe ukudalika? Ngita kye lúsimbiilwe mu Wusimbe uWiimike ukutigila, “Lwe lukaani lwa lukeelo hiilo ukwadza kwa vaanu aviidalika imola inofu!”

Lino avaanu vakumukemeela wuli, ye vasikumufuuwa? Kangi vakumufuuwa wuli ngana vasinaa vapulika imola dzaakwe? Kangi viipulika wuli ngana vasinaa vadalikilwa?

UKilisiti ye wudugilo wa milagililwe gya Mose, ukuta avaanu vonda viidikilwage ukuvedza vagolofu wugendela wa kumufuuwa uKilisiti.