Popular Bible Verses from Vafilipi 1

Share

Ndiidzeela ndakyene ukutigila, uNguluvi ye aamuwe amalimo manofu mugati umwenyo, ye mwene uyo ye ahadza iigina ukugalima ukufikila pe akugakwilidza pa kigono kye alaapiluka uKilisiti Yesu.

Ulu lwe lulapangilo lwangu kwa Nguluvi ukutigila, uwende weenyo wuginage ukoongelela mbandu, ukuta mukulage mu wuwuya nu lwiyiwuko londa. Ndiilapangila ulo, ukuta mudziiwukage idziivagila ukulimwa. Apo pe peene pe mwivedza vagolofu, kangi mungaya nongwa ukufikila ikigono ikya kupiluka kwa Kilisiti

Ukwangu neene ukuvedza muumi kwe kumuginiya uKilisiti, nu kufuwa lwe luwumbulilo hiilo.

Ndikumuhongedza uNguluvi vangu, umusika gonda pe ndikuviiwuka unyeenye.

Ulukomi hiilo lwe ulu ukutigila, muvedzage ni migendele igiilingʼaana ni Mola iNofu ya Kilisiti. Ngana ndaadze ukwenyo, enewuli ngana ndipulike imola dzeenyo kitaadza, apo ndihadza ndiidzeela ukutigila, mwímile sipi mutima gumwinga, mwikengela pamwinga ulufuuwo ukuhuma mu Mola iNofu.

Ndiisuukwa nu kuhuuvila mbandu ukutigila, sindihadza ndiiwona nyoni wugendela wa luluvedzaga. Nda haamu, ngita kye lwali ifigono fyonda, ndihadza ndiigina ukwikangadza mu numbula, ukuta uKilisiti aginikwage mu dzonda dze ndiilima, nde luvedze kusigala muumi enewuli ukufuwa.

Pakuva unyeenye musaapeeliilwe ulusungu lwa kumufuuwa uKilisiti hela, nda haamu, múpeeliilwe nambe kupumuka wiimila waakwe.