Popular Bible Verses from Vaebulaniya 9

Share

Ndeeni, uKilisiti nave aafuwe nyakamwinga swe ukwitawula ukuvedza wusembe, ukuta awodze indzanangifu dza vaanu voloofu. Kangi uKilisiti alaadza ulwa kavili, si kuwodza indzanangifu, nda haamu, ukuvaleetela uwupoki avaanu avakumudzindila.

Neke kangi idanda ya Kilisiti yili ni ngufu ukulutila iya ndiimwa! Wugendela mwa Mubepo va mbeepali, umwene iitawuwe kwa Nguluvi kuvedza wusembe uwukwilifu. Idanda yaakwe ye yeene iyikutuvaladza ukuhuma mu malimo agiihula ifuwa. Yikutupeela ulwikagulo lunofu, ukuta tumutovelage iligendwa uNguluvi ye ali muumi.

Pakuva nayula alaafuwa nyakamwinga swe nu kuhigwa.

Kulingʼaana ni milagililwe gya Mose, idanda iyo, ye yeene iyiivaladza ifiinu fyonda. Ngana idanda yisiitiike, apo uNguluvi asiipyanila avaanu indzanangifu dzaawo.

Wiimila wa ulo, uYesu ye mwene ye muteepudzi va vaanu nu Nguluvi mu lufingo ulupiya, ukuta avaanu ávahaaguliilwe nu Nguluvi, vaanukilage uwuumi uwa mbeepali na mbeepali we avahuuviidze ukuvapeela. UYesu aafuwe, ukuta avakombole avo ukuhuma mu ndzanangifu dzaawo dze vaalimaga umusika gwa lufingo ululovela.