Popular Bible Verses from Vaebulaniya 2

Share

Pakuva aagemiidzwe nu kupumuka, lwe lwene ali nu ludali ulwa kuvatanga avaanu aviigemywa.

Pakuva avaana va Nguluvi avo, vali ni mivili ni danda, lwe lwene uYesu nave aadzile ali nu muvili ngita imivili gyawo. Aalimile ewo, ukuta wugendela wa fuwa yaakwe, amwanange uSetano ye ákoleeliye ingufu idziihula avaanu vafuwage.

Wiimila wa idzo, twisakulwa twinatilage imola dzonda dze túdzipuliike ulwa wupoki, ukuta tuleke ukuyaga wugendela wa kuniniila idzingi.

Wiimila wa ulo, lwamuvagiye ukuhwananidzwa na vanyalukolo vaakwe mu dzonda, ukuta avedzage Muteekedzi uMuvina umunya lupyana, kangi muhuuvilwa pa kumutovela iligendwa uNguluvi. Kangi uYesu avedzage Muteekedzi uMuvina, ukuta atawule uwusembe uwa lwiteepulo lwa kuvahedzehedza avaanu indzanangifu dzaawo.

Kwimila pa kumuwona umuunu, tukumuwona uYesu. Umwene ye mwene, ye aahambwiswe ukuvedza paanyi ukulutila avanyamwandza mu musika mudebe, kangi umwene, ye mwene ye aapeeliilwe ingeela ya ndolo nu luginiyo, wugendela wa kupumuka nu kufuwa. Wugendela wa lusungu lwa Nguluvi, aafuwe, ukuta avapoke avaanu vonda.