Popular Bible Verses from Malimo ga Vatume 11

Share

Pe amuweene, akumuleetaga ku Andyokya. Vakwikalaga umwaka gonda, uko vaalundanaga pamwinga na vaanu va lukombeso, vavawulanidzaga avaanu voloofu mbandu imola dza Yesu. Apo pe peene avaanu pe vaavangile ukuvakemeela vanyigendwa ukutigila, Vakilisiti.

Pe aafikile uko, iiwonaga uNguluvi kye ávafuunyiliye avaanu avo, iikeelaga mbandu. Neke avakangadzage vonda vasinge, vuumiililage ukumwidika uMutwa ni numbula dzaawo dzonda. UBalanaba aali muunu munofu, ámemile uMubepo uMwimike nu lufuuwo, na vaanu voloofu vaaginaga ukoongelela ukumufuuwa Mutwa Yesu.

Ngana uNguluvi avapeeliye avo avasili Vayahudi ikipeelwa kiikila, kye atupeeliye uneefwe pe twaviye túmufuuviilwe uMutwa Yesu Kilisiti, ongo, uneene ndili ani nambe ndimutanidze uNguluvi?” AVayahudi pe vaaviye vápuliike idzo, viilekaga ukubeedza. Vakumupeelaga indolo uNguluvi viitigilaga, “Humbe uNguluvi ávapeeliye na avasili Vayahudi ingʼaasi ya kupela indzanangifu dzaawo, ukuta vaanukile uwuumi uwa mbeepali!”