Popular Bible Verses from 2 Vakolindo 9

Share

Kangi ali ni ngufu ya kuvafuunyilila mu ndzoloofu, ukuta umusika gonda mutanage ukukeepa kiinu kikivedzaga. Apo pe peene pe muhadza mwivedza ni ndzoloofu idza kuvatanga avangi mu malimo gonda amanofu.

Nayula atawulage ngita kye águlwime mu numbula yaakwe, atanage ukutawula mu wuhuguvafu nambe kugagiilidzwa, pakuva uNguluvi akumwenda umuunu ye iitawula kyedzamutima.

Mwiwukage ukutigila, “Umuunu ye iikonya ukuyaala, iibena fikeefu, ye iiyaala fyoloofu, iibena fyoloofu.”

UNguluvi ye mwene ye akumupeela umuunu imbeyu iya kuyaala ni kyakuliya, nave ahadza akuvapeela unyeenye, nu koongelehedza imbeyu dza kuyaala. Neke ahadza akuvapeela nu kuvoongelehedza inumbula ya wusandzi. UNguluvi ahadza akuvapeela uwumosi mu fyonda, ukuta muvedzage vasandzi ifigono fyonda. Kangi, pe tuhadza tukuvasindikila avafuuwa avo fye mútawuwe, uwusandzi weenyo uwo wuhadza wukuvahambusa avaanu vamuhongedze uNguluvi.

Tumuhongedzage uNguluvi ulwa luwonolo lwakwe lwe átupeeliye, ulusiilongeka.