Popular Bible Verses from 1 Petulo 2

Share

Neke kangi unyeenye muli vaanu ye múhaaguliilwe nu Nguluvi, unyeenye muli vateekedzi va wutwa, vaanu va kipelela kiimike, kangi ye muli vaakwe. Múhaaguliilwe, ukuta mudalikage amalimo amanofu ga Nguluvi ye ávakemeeliye ukuhuma mu kiisi nu kuviingidza mu lumuli lwakwe lwa kudzumwa.

UKilisiti yumwene aanyamuwe indzanangifu dzeesu mu muvili gwakwe pa kipindulihidzo, ukuta uneefwe tugilekage imiikalile gya ndzanangifu, nu kwikala imiikalile gya wugolofu. Wugendela wa mavamba gaakwe, unyeenye múnaniidzwe. Mwali ngita ngʼolo ídziyagile, neke kangi lino múmupilukiye umwene uMudiimi kangi Muloleedzi va numbula dzeenyo.

Pa wutalilo apo, simwali vaanu va Nguluvi, neke kangi lino muli vaakwe. Pa wutalilo simwanukiye ulupyana lwa Nguluvi, neke kangi lino múlwanukiye.

Ngita vaana fyali kye viidoboka amadziva ga vangʼinaawo, mudobokage amadziva amanofu ga lidzwi ilya Nguluvi, ukuta mukulilage mu wupoki.

Nye vende vanguanye, ndikuvagongoola ngita vagendzi kangi vaheleli-ngʼaasi pe naanyi! Mwiyefyage nu wudobofu wa mivili gyenyo, pakuva wiiluwa ni numbula dzeenyo. Imigendele gyenyo givedzage minofu mbandu pa vaanu avasimudzeeliye uNguluvi, ukuta nde luvedze avaanu avo vakuvataaha ukutigila muli vahosi, vagawonage amalimo geenyo manofu, kangi valamupeela indolo uNguluvi wiimila weenyo pa kigono kye alaadza.

na yuunye ngita maganga ga wuumi ga kudzengela, uNguluvi akuvadzengela, ukuta muvedze tembeli ya mubepo. Wugendela mwa Yesu Kilisiti, unyeenye muli vateekedzi viimike ye mwiteekela uwusembe wa mubepo uwukumukeeledza uNguluvi.

Neke lino, muwulekage uwuhosi wonda, uwubanga wonda, uwukedusi, isinwa na maligo.

UYesu ye liganga ilya wuumi ilya kudzengela. Iliganga ilyo avaanu valikaanile, neke kangi uNguluvi alihaaguwe, kangi liginalifu pa miiho gaakwe. Lino mumuhegelelage uYesu

Nde muvedze muli vaawule, mutanage ukulimila uwaawule weenyo ukufihila uwuhosi, nda haamu, mwikalage ngita vatovela-ligendwa va Nguluvi.

Ndiilonga ewo, pakuva uNguluvi iikeela mulimage inofu ukuvadzisa avapuva, ukuta vatanage ukuvedza nu lwa kuvagomehedza.