Popular Bible Verses from 1 Vakolindo 11

Share

Ndeeni pe vaaviye váliye, iinyamulaga ikinywelo ikili ni difwayi, iitigilaga, “Ikinywelo iki lwe lufingo ulupiya ulwilimika mu danda yangu, mulimage endee pepavedzaga pe mwinyuwa ulwa kuundziwuka uneene.” Pakuva pepavedzaga pe mwiliya umukaate ugo nu kunyuwa ikinywelo ikyo, apo mwidalika ukufuwa kwa Mutwa ukufikila pe alaadza.

Imbulanidzo dze ndaanukiye kwa Mutwa, dze dzeene dze ndavapeeliye unyeenye ukutigila, ikilo yila ye aasutuliilwe uMutwa Yesu, aanyamuwe umukaate, akumuhongedzaga uNguluvi, iimegulaga, iitigilaga, “Ugu gwe muvili gwangu ugwitawulwa wiimila weenyo, mulimage ndeeni ulwa kuundziwuka uneene.”

Lino umuunu ye avedzaga, pe asinaa aliya umukaate nu kunyuwa ikinywelo, iiwuudzage tandi mu numbula. Pakuva, ngana umuunu iiliya umukaate nu kunyuwa ikinywelo kitakagula ikiganulo kya luhangano lwakwe nu muvili gwa Mutwa, uyo akwiviika yumwene mu luhigo lwa Nguluvi.

Lwe lwene umuunu ye avedzaga ye iiliya umukaate ugo, enewuli ukunyuwa ikinywelo ikyo kye lusivagiye, iivedza álimile indzanangifu, pakuva ábedile umuvili ni danda ya Mutwa.

Lino muundzigage uneene, ngita na yuune kye ndikumwiga uKilisiti.