Popular Bible Verses from Romanos 5

Share

Ja'uc ti Diose laj yac' ta ilel ti c'ux ta xijya'iotique, yu'un laj yac' ta milel ti Cristo ta jcojtic ti c'alal jsa'mulilotique.

Mi ja'uc xlo'ilaj co'ntontic yu'un ma' ti oy c'usi jpatoj co'ntontic jmalaojtic ta jtatique. Jbel sc'oplal ta xc'ot ta pasel, yu'un ti Diose yac'ojbotic ta co'ntontic ti syail xc'uxul yo'nton ta sventa ti Ch'ul Espíritu ti laj yac'botique.

Ma'uc no'ox taje, ja' jech xtoc ximuyubajotic yu'un ti vocole. Jna'tic lec ti ta sventa ti vocole, ta xac' smuc'ul co'ntontic yo' mu xac' chibajel. C'alal oy smuc'ul co'ntontique, jun yutsil jc'oplaltic. C'alal jun yutsil ti jc'oplaltique, xpatet co'ntontic ta jmalatic ti oy c'usi ta jtatique.

Ti jech laj jtatic ti lec xij'ile yu'un Dios ta sventa ti c'ot ta o'ntonal ta xch'unele, jun co'ntontic xchi'uc ti Dios ta sventa ti Cajvaltic Jesucristoe. Ta sventa ti c'ot ta o'ntonal ta xch'unel ti Cristoe, laj jtatic ti lec oyotic ta stojol ti Diose. Ja' yip co'ntontic xchi'uc jpatoj co'ntontic ta yich'bel slequilal ti Diose.

C'alal mu xa cha'beluc stac' jcolta jba jtuctique, ja' o yorail tal chamuc ti Cristo ta scoj ti jsa'muliletique.

Avi tana une, laj xa jtatic ti lec xij'ile yu'un ti Dios ta sventa ti cham ti Jesucristoe. Jech o xal un, oy lec smelol ti mu xba quich'tic tsitsel ta sventa stuc ti ta slajebal c'ac'ale.

Ta scoj ti jun vinic ti laj sbaj ti jbel mantale, ja' yu'un un, jsa'mulil lijc'ot jcotoltic. Ta sventa xtoc ti jun jch'unej mantal vinique, yepal laj staic ti mu'yuc smul x'ileic yu'un ti Diose.

Ma'uc no'ox taj une, ta sventa Cristo xijmuyubajotic xa ta stojol ti Diose, yu'un ja' ta sventa laj jtatic ti jun co'ntontic xchi'uc ti Diose.