Popular Bible Verses from Romanos 4

Share

Mu'yuc xna'et, mi ja'uc chibaj yo'nton ti Abraham ti oy c'usi albat yu'un ti Diose. C'ajomal ayan yip yo'nton ta xch'unel. Xlequil c'opoj no'ox ta stojol ti Diose. J'ech'el c'otem ta yo'nton ti oy smuc'ul stsatsal ti Dios ti ta xc'ot ta pasel ti c'usi yaloje.

Ta sba ta sat ti Diose, ja' totil cu'untic ti Abraham ta sventa ti oy c'usi c'ot ta yo'nton ta xch'unele. Yu'un xi ta xal ti ts'ibabil ta ch'ul c'ope: “Lac'ot xa ta totil cu'un ta sventa epal muc'tiquil lumetic.” Yu'un ti Dios taje ta xac'be xcuxlejal ti animaetique, xchi'uc ta xac' ta ilel ti c'usitic ch'abal toe.

Aq'ue ta milel ta scoj ti jmultique, xchi'uc cha'cuxesat yo' jech ta jtatic ti lec xij'ile yu'un ti Diose.

Ac'o mi mu'yuc srazonal laj ya'i ti Abraham ti oy c'usi smalaoj ta stae, laj to xch'un ti ta xc'ot ta pasel ti spatobil yo'nton ti ta xc'ot ta totil yu'un epal muc'tiquil lumetique jech c'u cha'al ti xi ono'ox albate: “Ja' jech yepal ta xbat anitilultac jech c'u cha'al le'e.”

Jech o xal ti Abrahame, yo' laj sta xchi'uc ti snitilultac ti c'usi yaloj ti Dios ti ta xaq'ue, ta matanal laj sta ta sventa ti c'ot ta yo'ntonic ta xch'unele. Ti oy c'usi yaloj Dios ta xaq'ue, ma'uc no'ox ta staic ti buch'utic ta xch'unic ta spasel ti oy c'usi tsots albil sc'oplale. Ta staic ec ti buch'utic jech ta xc'ot ta ch'unel yu'unic jech c'u cha'al laj xch'un ti Abrahame. Jech o xal un, c'ot ta totil cu'untic jcotoltic.

Xi laj yal ti Davide: “Yan no'ox yutsil ti buch'utic ch'aybat yu'un Dios ti xchopolalic laj spasique, ti mu'yuc x'ac'bat stoj ti smulique. Yan no'ox yutsil ti buch'u mu'yuc ta xq'uelbat smul yu'un ti Diose.”

Yu'un xi ta xal ti ts'ibabil ta ch'ul c'ope: “Ti Abrahame teq'uel lec c'ot ta yo'nton ti c'u s'elan albat yu'un ti Diose. Ti jech teq'uel c'ot ta yo'nton ti c'u s'elan albat yu'un ti Diose, laj sta ti lec x'ilee.”