Popular Bible Verses from Romanos 13

Share

Ja' lec, maco abaic ta sventa smuc'ul stsatsal ti Cajvaltic Jesucristoe yo' mu staojuc yav c'upil ta xava'i ta spasel stalel ti lum ach'ele.

Ch'abaluc me avilic ta stojol yan. Ja'uc no'ox me avilic ti c'ux xava'i abaic ta jujun tale. Yu'un ti buch'u c'ux ta xa'i ti jun xchi'ile, c'ot xa ta pasel yu'un scotol ti c'u s'elan ta xal ti oy c'usi tsots albil sc'oplale.

Acotolicuc, ch'unbeic ich'beic ta muc' smantal ti Jcuch-abtel ajvaliletique. Ti jech oy ti ajvaliletique, va'anbilic yu'un ti Diose, yu'un ja' ac'bil yabtelic yu'un ti Diose.

Po'ot xa x'ech' ti ac'ubale, yu'un ta xa sacub talel ti osile. Jech o xal un, quictatic ta spasel ti c'usitic sventa ic'al osile. Lapic ti amacobbailic ta spasel ta sventa ti saquil osile jech c'u cha'al junuc soldado ti slapoj ti smacobbaile.

Ti buch'u oy syail xc'uxul yo'ntone, mu spas ti c'usi chopol ta stojol ti xchi'ile. Ta sventa ti syail xc'uxul o'ntonale, j'ech'el ta xc'ot ta pasel ti oy c'usi tsots albil sc'oplale.

Ich'o ta muc' ti c'u s'elan yabtel jujuchope. Tojic me ti patan ti ta sc'anboxuque. Tojic me ti sloc' ti ta sc'anboxuque. Ich'ic ta muc' ti buch'u ich'bil ta muq'ue. Ti buch'u lec x'ilate, lec me xavilic ec.