Popular Bible Verses from San Marcos 16

Share

Xi laj yalbee: —Batanic ta scotol banomil. Ba alic ti lequil ach' c'op sventa ti pojel colele.

Xi s'elan senyail ta xvinaj ta stojolic ti buch'utic ta xiyich'icun ta muq'ue: ta jventa ta sloq'uesic pucujetic, ta xc'opojic ta yan ach' c'opetic. Mi oy bu ta xc'ot ta pasel ta xti'e yu'un ti chone, mi oy bu ta xc'ot ta pasel ta x'ac'bat yuch'ic ti c'usiuc no'ox venenoale, mu'yuc c'usi ta spasbatic. Ta xcol yu'un jchameletic c'alal ta scajan sc'obic ta stojole.

Ti buch'u ta xich'ic ta muc' ti lequil ach' c'ope, ta xich'ic vo' unbi, ta staic pojel colel. Ja'uc ti buch'utic mu xich'ic ta muc' ti lequil ach' c'ope, ta ono'ox stoj ti smulique.

Jech ti stuquique loq'uic batel ta yalel ta scotol banomil ti lequil ach' c'op ti ja' sventa colele. Ti jchanc'opetique chi'inbilic yu'un Jesús yo' ta xvinaj ti oy c'usi ta spasic ti ch'ayal ta xc'ot o'ntonal yu'unique. Jechuc.

—Mu xaxi'ic —xi laj yal ti jun querem vinic slapoj saquil c'u'ile—. Ti vo'oxuque ta xasa'ic ti Jesús ti Buch'u liquem talel ta Nazaret ti laj yich' jipanel ta curuse. Cha'cuxi xa. Mu'yuc xa li' oye. Q'uel avil ti bu to ox laj yaq'uique.

C'alal c'otique, laj yilic mu'yuc xa macal ta muc' ta ton sti' ti muquinale. C'alal ochic batel ta yut muquinale, laj yilic chotol ta stuq'uil bats'i c'obal jun querem vinic slapoj natil saquil c'u'il. Xi'ic ti antsetique.