Popular Bible Verses from San Lucas 5

Share

C'alal laj yo'nton ta c'opojele, xi laj yalbe ti Simone: —Xujic batel ti barco bu snatil ti nabe. Jipic yalel ti smasobil achoyic ti bu taje yo' ta xamasic loq'uel ti choye.

Ti Simone xi tac'ave: —Jchanubtasvanej, sjunul ac'ubal li'abtejcutic, mi jcotuc laj jtacutic ta masel ti choye. Ti jech loc' xa ta alel avu'un ti mantale, ta jip yalel avil ti smasobile. C'alal jech laj spasique, noj talel ta choy ti smasobil xchoyique. Sc'an xa ta xjat ya'i.

Ja'uc ti Jesuse ta sq'uej sba batel ti bu sts'ijlajane yo' ta xc'opoj xti'in.

Ti vu'une ma'uc tal quic' ti buch'u oy slequil yutsilique. Ja' no'ox tal quic' ti jsa'muliletique yo' ta sutic talel ta stojol ti Diose.

C'alal jech laj yil ti Simón Pedroe, laj squejan sba ta stojol ti Jesuse, ti xi laj yalbee: —Cajval, ch'aco aba ta jtojol yu'un ti vu'une jsa'mulilun.

Xi laj stac' ti Jesuse: —Ti buch'u xcuxet ti banomil ta xa'iique, ti mu'yuc xchamelique, mu sc'anic jpoxtavanej, ja' no'ox ta sc'anic ti buch'u oy xchamelique.

C'alal laj sloq'uesic batel ta ti' nab ti sbarcoique, laj yictaic comel scotol, bat xchi'inic ti Jesuse.

Oy jun c'ac'al ti c'alal ja' o oy ta jun jteclum ti Jesuse, c'ot jun vinic ti tsacbil ta c'a'emal chamele, snupilan xa banomil laj spatan sba ta lumtic ti xi laj sc'anbe vocol c'alal yil ti Jesuse: —Cajval, ac'anuc lae, xu' xames xapoc loq'uel ti jchamele. Ti Jesuse laj scajan sc'ob ta sba, ti xi laj yalbee: —Lec oy, mesbil pocbil ta xacom. C'alal jech laj yale, ta jech yepal sac ch'ay xchamel ti vinique.

Manchuc mi jech un, yantic xpuc batel sc'oplal ti Jesuse. Yepal no'ox ta stsob sbaic ti jnaclejetic ta stojol yo' ta xa'ibeic ti sc'ope, yo' ta xcolesbatic ti xchamelique.