Popular Bible Verses from Éxodo 2

Share

Lic chapanbaticuc ti svocolique. Laj svules ta yo'nton ti strate laj spas xchi'uc ti Abrahame, ti Isaaque, ti Jacobe. Laj sq'uel, laj yil Dios ti c'u s'elan oyique.

Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

C'alal muq'uib xae, bat yac'be yantsil nich'on ti faraone. Jech ti stuque laj sbis ta yol. Moisés, laj yac'be sbi, yu'un xi laj yale: —Vu'un laj jloq'ues talel ta uc'um.

Yantsil nich'on ti faraone xi laj yale: —Ic'o batel ti olol li'e, ts'itesbun, ta jtoj ac'ac'al xtoc. Sme' ti olole laj yic' batel yo' ta sts'ites.

Lec xa ox jmuc' ta jal un, ja' o bat atinuc ta uc'um yantsil nich'on ti faraone. C'alal ta xanavic ta sti'il uc'um ti sme' mosovtaque, c'ot ta satic jun moch tiq'uil ta yut pujtique. Ja' yu'un un, laj yalbe mantal jun sme' mosov ti ac'o sloq'ues talele.

C'alal vinic xa ti Moisese, oy jun c'ac'al, loc' batel ta svu'lanel ti svinquileltaque. Laj yil ti mu x'ech' svocolic ta tsots abtele. Ja' o laj yil ti ta xmajat yu'un jun egipcio ti svinquilel ta hebreoale. Ja' yu'un un, laj sq'uel ta jujujot. Laj yil ti mu'yuc buch'u oye. Laj smil ti egipcioe. Laj smuc ta yi'.