Popular Bible Verses from Hechos 17

Share

Jech laj spas ti Dios taje, ja' ta sventa yo' ac'o sa'ic ti Diose, xu' van ta staic mi ta sa'olanique ac'o mi mu nomuc oy ti Dios ta jtojoltic ti jujunotique.

Ta sventa jun vinic, ayan talel muc'tiquil lumetic yu'un ti Diose yo' ta xnaqui ta sjoylej banomil. Ja snopoj stuc bu ta xac' naquiuc xchi'uc c'u sjalil ta xcuxiic yu'un.

“Ti Dios ti laj smeltsan ti banomile xchi'uc scotol ti c'usitic oye, le'e, ja' yajval vinajel, banomil. Mu xnaqui ta ch'ul naetic meltsanbil yu'un ti jnaclejetique.

Ti Diose chapal xa jun c'ac'al ta yutsil yo'nton ta xchapan ti jnaclejetic ta sventa ti jun vinic laj st'uje. Svinajeb ti t'ujbil ti vinic taje, ja' ti laj yac' iluc ti laj xcha'cuxese.”

Yu'un ti jech yalab xnich'nabotic ti Diose, ma'uc xtal ta joltic ta snopel ja' Dios ti c'usitic loc'tabil ta oroe, ta platae, ta tone, ti xvul no'ox ta sjolic c'u s'elan pasbil yu'un ti jnaclejetique.