Popular Bible Verses from Hechos 16

Share

Xi tac'avique: —C'otuc ta avo'nton ta xch'unel ti Cajvaltic Jesucristoe, ta xata apojel acolel xchi'uc ti avalab anich'nabe.

Ta o'lol ac'ubal un, ti Pabloe, ti Silase c'opoj ti'inic, xchi'uc ta xq'uejinic ta sq'uejimol Dios, ti ts'etel xchiquinic ta xa'iic ti yan jchuqueletique. Ta jech to yepal un, tal tsots niquel ti laj sc'uyilanbe yibeltac spac'obaltac ti chuquinabe. Ta yorail no'ox jam scotol sti' ti chuquinabe, ti laj coluc scotol ti jchuqueletic ti chucajtic ta carinae.

Ta jech yepal un, laj sloq'ues batel ti jcholc'opetique, ti xi laj sjac'bee: —Yojtot, ¿c'usi stac' ta jpas yo' ta xicol?

C'alal julav ti jchabiej chuquinabe, laj yil ti jamajtic xa sti' ti chuquinabe. Laj snit loq'uel ti yespadae yo' jech ta smil sba, yu'un laj snop ti jatavic xa batel scotol ti jchuqueletique. Ti Pabloe xi lic yavtae: —Mu xamil aba, li' oyuncutic jcotolcutique.