Popular Bible Verses from Peeñu ma 22

Share

Man maay Alfa di Omega; maa njëkk, maa mujj, maay njàlbéen, maay muj.

«Maa ngii di ñëw léegi, ànd ak sama pey, ngir delloo ku nekk jëfam.

Noo gu Sell gi ak Séet bi nee ñu: «Ñëwal!» Ku ci dégg it, neel: «Ñëwal!» Ku mar, ñëwal; ku bëgg ci ndoxum dund mi, jëlal, ñu may la.

«Ndokkalee yeen ñi fóot seeni yére, ngir saña lekk ci garabu dund gi, jàlle ci bunt yi, dugg ci biir dëkk bi.

«Maa ngii di ñëw léegi. Ndokkalee, yaw miy sàmm kàdduy waxyuy téere bii.»

Guddi du amati, te deesul soxlaati làmp mbaa naaj, ndax Boroom bi Yàlla moo leen di leeral. Te dañuy nguuru ba fàww.

Kiy seede mbir yii nee: «Waawaaw, léegi ma ñëw.» Amiin, Sang Yeesu, ñëwal! Yal na yiwu Sang Yeesu ànd ak ñépp.

Man Yowaan, seede naa ñeel képp ku dégg kàdduy waxyu yu téere bii, ne: képp ku ci yokk lenn, Yàlla dina la yokkal mbugal yi ñu bind ci téere bii. Te ku wàññi lenn ci kàdduy waxyu yu téere bii, sa wàll la Yàlla di wàññee ci yooyii ñu bind ci téere bi, muy garabu dund gaak dëkk bu sell ba.