Popular Bible Verses from Lûm 5

Share

Zə̀kìy kə kwuni dè ìliə yə ù kwu nəniy â ŋgàŋ. U twum bə̀ Kə̀litò nə̀ ù bù pfə anə utuw ŋgàŋ nə̀ a də aghê bɛbə yiy.

Imôʼ yə̀ ghè kwu nəniy i kî bvə̀ màʼà dzə̀ wày ghəd. Ayiə yə ghi àdzə̀m a fyiə aŋwòə Zə̀kìy mə nyiə̀ ghəd nə̀ Zwàykə̀zwekiy, Ù zəŋi nəniy nə̀ ghè kəli tsə anə fòŋ tələ nə̀ Zə̀kìy ŋgee liə ŋwò ghəd.

Yəə ghè fyaʼa kə ghi, ghè namə səaŋə kə ŋwò. Kwu təŋ sòʼo nə̀ yə ghè fyaʼa nəniy ghii Zə̀kìy kî zəŋə tsə nə̀ ghè ə kwû tsə təfôŋ. Abu ghè kwû tsə fôŋ tìy, ghè ki də ani təmi taw tsə, ghè ki də ani zəŋi ayiə yə a də nəniy tsitsi anə sə K-a-zə̀. Zə̀kìy ki də soʼo ani dyoʼo nə̀ ghə̀d. Abu Zə̀kìy dyoʼo nə̀ ghə̀d, ghè ki kwu môʼ tə̀dzoŋə̀ tìy anə tɛb K-a-zə̀.

Anə yiə yə Zə̀kìy bɛbə dzə̂ ŋgaŋ nyiə dzìy nə̀ ŋgà də tsə tsitsi anə səkə we bòʼ ìbɛmə i ŋgàŋ â Mwe ə̀ mbyi ə̀ ŋgàŋ, Yesù Kə̀litò, ŋgà muə nyìə̀ anə ibvay nə̀ Zə̀kìy. Ibɛmə yə ghè kwu nəniy â Kə̀litò, i mə zəŋi nə̀ ŋgà kəli tsə fòŋə̀ ìdzòŋə̀ yə̀ Zə̀kìy dê nəniy nyiə awò ghə̀d. À də nəniy fyiə kə Zə̀kìy zəŋə nyiə awò ŋgàŋ. À yù də ighe ŋga ghaa iwee yiy dyoʼo sòʼò anə imòʼ ìdzoŋə̀ yə̀ ŋgà kwu nəniy ani muə̀ nə̀ Zə̀kə̀ ù də nəniy wù ùsòŋə̀ wìy.

Kə̀litò kə pfə anə sòŋə fə̀ dzòŋə̀ fə̀ ŋgà kə də wày ani fày ìwe i ŋgàŋ. Ŋgà kə də̀ aghê bɛbə yiy.

Ŋgà mə dòʼò tsitsi nyiə anə sə K-a-zə̀ bòʼ kàŋ tə̀ Kə̀litò kə ndzaay nəniy anə utuw ŋgàŋ. I də nə̀ Kə̀litò kì bii ŋwò fyiə bə̀ ŋwò ŋgaŋ tə̀ Zə̀kìy ki də kə̀ nyiə ŋgàŋ nə̀ mfəm.

Adàm kə kə̀ zuw nəway awò Zə̀kìy, ayiə ghè yə̀ zəŋi tsə nə̀ aghee dzə̀m dòʼò àghè bɛbə yiy anə sə K-a-zə̀. Yesù ə kwuni zuw yə̀ awò Zə̀kìy, ayiə ghè yə̀ zəŋi tsə nə̀ aghee dzɛ̀mə̀ dòʼò tsə tsitsi anə sə K-a-zə̀.

Ani dzày kwe fwuli tsə, ŋgà səaŋə aŋwòə Zə̀kìy ma twum bə Mwe ə̀ mbyi ə̀ ŋgàŋ Yesù Kə̀litò nə̀ ù bù zəŋi tsə nə̀ ŋgà kəli tsə fyiə kəmòʼ nə̀ Zə̀kìy.