Popular Bible Verses from Lûm 4

Share

Ablàhâm kə kə̀ kwuni sə̂m dzə̂ nəway Zə̀kìy anə tɛb kə ù kə tɛb na nəniy. Ibɛmə i we yiy maa zəŋi we nə̀ ù si taw dzwabə. U nyə̀ sòʼò mə̀ŋkwiʼi â Zə̀kìy. Ablàhâm kə ndzə̀m kwu təŋ ŋwô nə̀ Zə̀kìy kî zəŋə ŋwò àyiə yə ù tɛb na nəniy ani zəŋi.

I twâ dòʼò anə ŋwàʼà k-a-zə̀, nə̀ “Ablàhâm kə kwu ani bù dòʼò təli awò ndə̀mə̀ àghù.” Zə̀kìy kə zəŋi nə̀ tɛb kə̀ bù dòʼò kə̀soŋə̀ kìy, aŋwòə Ablàhâm kə kwu ibɛmə azoŋə̀ Kə̀zə̀, Zə̀ kə̀ kə kwu nəniy daʼa kiy ani zɛ̀mə̀ ŋwò dzwoŋi bə̀ àghè pfə yiy, kwu sòʼò kədaʼa ani zəŋi ufyiə ù fyiə wiy.

Zə̀kìy kə twum bə̀ Yesù nə̀ ù bù pfə anə ayiə ŋgàŋ àbɛbə yiy, ù zɛmə̀ ŋwò dzwoŋi bə̀ we ani pfə ani zəŋi tsə ŋgaŋ nə̀ ŋgà doʼo tsə tsitsi anə sə K-a-zə̀.

Ablàhâm kə kwu ibɛmə nə̀ ìmòʼ yiy awò Zə̀kìy, yəə ù kə̀ də bòʼò kamə kòʼò dzə̀ wày fyiə kə Zə̀kìy kə tɛb na a we nə, “Awiwa yiə̀ yìy nî dùw tsə tee mənsǐbə̂d.” Zə̀kìy zəŋi tsə ù bù dòʼò bə̀ “Təli awò ndə̀mə̀ tə̀nàʼà.”

Yəə i də nəniy ghii, tɛb k-a-zə̀ kìy də awò àghù yə̀ ghu bɛmə nəniy â Zə̀kìy, tə̀ ghu ki kəli fyiə kə Zə̀kìy. Tɛb kə̀ kaʼi wày təŋ dzə awò àwiwa ə Ablàhâm yə̀ ghu kwu nəniy lâŋ kìy.Tɛb kə ghà kə̀ də̀ sòʼò awò àghè dzə̀m bòʼ ìbɛmə yə ghu kwu nəniy â Zə̀kìy anə yiə yə Ablàhâm kə kwu soʼo. Ablàhâm də̌ təli â ghù yə̀ àdzə̀m ghu bɛmə nəniy â Zə̀kìy.

Dwiʼi kiy ŋge də̀ awò aghù yə̀ Zə̀kìy nîyzə̀ dzə̂ ŋwuni kə ghu kə kwu nəniy. Sùw ŋwò mà tsə sòʼò àyiə ghu àbɛbə yiy. Dwiʼi kiy də awò wù wə̀ Mwe ə̀ mbyi nî də wày dzə ani twà na ayiə we àbɛbə yiy.

Ŋwàʼà k-a-zə̀ kìy dziy nə, “Ablàhâm kə bɛmə kə Kə̀zə̀, à kə də̌ bòʼ ìbɛmə i we Zə̀kìy kə kôʼ nəniy nə̀ ù də̀ tsitsi.”