Popular Bible Verses from Roman 12

Share

Ka mbən beni ngwən nə unó mbənə ba ungɨŋ isəg mə aghəy. Asɨmə mbən sayn kwi Nwiye beŋe ngwən anji zənə u naʼa ikono fey inen, da mbən kyay anó zənə u kabay. Anigə mbən kyay unó mbənə amə umbi chuŋ, mbən kyay u mbənə u wuʼi nibi kyay u mbənə ukoʼoro.

Umbuŋ unya, ayə boʼo ubugə inen kwi, numugə Nwiye diri ngwa, mbən naʼa injən inyo abú uŋwən nə aghəy ifaʼ zənə amə ikay, imə uzayn uzayn nu umi wuʼ. Zəŋ amə inji zənə ikoʼoro kwi mbən ki wumine Nwiye.

Mbən wuʼe ngwən da unó mbənə mbən niŋi ikono igun, Mbən yimə fiŋ akə umaʼ ujum mbənə mbən mə zəw ingəʼ nibə chaʼara Nwiye akə umaʼ ujum.

I beni ayə kwi anó iboŋ moʼ chigə ayə, asɨmə chigə unó iboŋ nə ichuŋ.”

Mbən wuʼ umbən unya nə itən fiŋ jum. Mbən wumine umbən unya anji zənə mbən mə wumine itən inyo.

Mbən wuʼe ba akə itən fiŋ jum. Mbə bana unó iboŋ, iyimi anó ni aghəy ichuŋ iku igun.

Mbən aghəy unó ujum izən kwi mbən yə chomo akə aborobod nə ba ujum.

Umbuŋ uzi nu awuʼi kwaʼa ingəʼ, ka mbən mə iwiyə ngwən unó, asɨmə mbən sayn anó ni iwiy anó abú Nwiye, damugə ayə ungɨŋ Aŋwaʼanayn Nwiye kwi, Asɨyisəg ghayn kwi, “Amə umugə mi iwiy. A yi iwiy.”

Ka mbən bó ngwən imə faʼa abú Nwiye, mbən sayn Azugə Nwiye nyi ungɨŋ itən fiŋ aghəy kwi mbən faʼa akə ikay. Mbən faʼa abú Asɨyisəg akə itən fiŋ jum.

Numugə Nwiye si aghəy ichuŋ iniŋ, ayə ghayn abú ba ujum injən kaʼa kwi, ka ukono ma kwi yə chigə mugə u məŋi, asɨmə wa feyn feyn kono anó da inyo ma akə inji zənə ikoʼoro. Wa feyn feyn kono aba akə iji zənə Nwiye naʼa ibeni fiŋ abú uŋwən.

Ka mbə wiy ngwən ibɨy akə ibɨy, asɨmə mbən num amaʼ ni aghəy amə unó mbənə ba ujum mi kyay kwi amə unó chuŋ.

Mbən chomo akə anó feyn nə umbən unya. Ka mbən mə komo ngwən iguwə, asɨmə mbən ni bumə nə ba kukuŋe. Ka mbən kono ngwən kwi mbən yə nə iwe chigə ba ujum.

Asɨmə, “injəy bə sə zaŋa abú ungwə wa bana, naʼa aghəy jəgi abú uŋwən, adoʼ bə zom abú uŋwən, naʼa aghəy moʼ abú uŋwən unugə. Ngwə bə aghəy nigə, indere atəw yi ibiya uŋwən.

Mbən zi aborobod igun ba mbənə umə nwini itən inya ughəw. Mbən zi mə aborobod akə ma indon. Mbən wuʼe ngwən nə ba mbənə umə wuʼe uma, nibi idey nə ba mbənə umə idey.

Mbən ghaba u aghəy mbənə umə inen inaʼ abú ba Nwiye mbənə cha u aghəy abú úŋwən. Mbən num ba isoʼ ungɨŋ itən na nji chuŋ.

Mba kyay kwi nyə̂ inyo yə nə usin nanaʼ, asɨmə cha usin nyə̂ inyo jum mə faʼa uma aba afaʼa feyn. Amə ichin ichin, ka nə ba mə naʼa, mba mə nyə̂ inyo feyn numugə ba nə akə bumi nə Kristo. Wa feyn feyn amə aba akə nyə̂ inyo ba jum.