Popular Bible Verses from Elōg-Lóma 6

Share

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Átɔm nɛ́, aɓé á ŋgá ɓɛ́la ɓé pɛ ŋguu nyí li ɓɔŋ lí ɓɛ́nɛ jam, kasig miní sē ɓé pɛ á sí mbéndá, ndí miní niŋle á sí míkaale mí Ɔ́lolómɛ̄.

Li kele la nzoɓan nyí ɓaá kūh, ɓaá wú élɔŋ la nyɛ́, bu jéɓɛ̄ ki élɔŋ la nyɛ́, á li ɓɔŋ nɛ́, kaa ŋguu nyí lipém lí Étāa Ɔlolómɛ̄ ya pāhyɛ́ Yésus Kilístus á póla ɓá ɓá wū, ɓɛ́hɛ ki bi kúh eniŋ ɛ́ péná.

Miníh byelénégé ɓé pɛ bijo byáná bí nyúū á lí ɓɔŋ lí áɓē, miníh yaanɛ́gɛ́ ɓé byɔ kaa biɓɔŋlé bí mísɔ̄n míh tɛ́ɛ́ ɓé. Ndí, kaa ɓot ɓá ɓógyéné á nyɛmb li timan á éniŋ, la bijo byáná bí nyúū, bí bí lɛ́ biɓɔŋlé bí mísɔ̄n mí tɛ́ɛ́ sim, miní níŋgí á nsɔ́n á Ɔ́lolómɛ̄.

Bi sɔ́ŋtánɛ m̀ɓɛɛŋ nɛ́, nlom á mut bi ɓɛ́ɛ́, wá tomlɛ́ á mbásá élɔŋ la nyɛ́, nɛ́ ndí nyíŋ nyuú yāhá miɓé ɛh ɓɛ́ɛ́g ɓé pɛ, la ki nɛ́ bih ɓɛ́ɛ́g ɓé pɛ miyɔ́ŋ mí áɓē.

Nlemlem ki la ɓɛ́nɛ, nyɔŋáŋ ɓɛ́nɛ-mɛ̄n kaa ɓot ɓá wú á yé ɛ́ ŋga légɓe li ɓɔŋ lí áɓē, la kaa ɓot bí ŋga nīŋ ányúū Ɔlolómɛ̄ á ŋ̀atanɛ́ la Yésus Kilístus.

Á élōgyāŋ, mi lágá pɛ yéé é? Ɓaá, bi kóndyé jā lí niŋle á áɓē á lí ɓɔŋ nɛ́ mikaale mí Ɔ́lolómɛ̄ mí bul é? Á mbálɛ kɛ́m! Kasig ɓaá wú á áɓē, nɛ́-láá hɔ́ bi ŋgí niŋlégé pɛ á áɓē é?

Miní ŋgá yí ɓé nɛ kí miníg sále mut kaa miyɔ́ŋ, á lí ógle lí nyɛ, ɛnɛ miní lɛ́ míyɔ̄ŋ mí nyɔ́ŋ mut miní ŋga ógle é? Náŋ ag somo li laga nɛ́, miní lɛ́ míyɔ̄ŋ mí áɓē nyú á ŋga óm á nyɛmb, tɔ nɛ́ miní lɛ́ ɓáōgle Ɔlolómɛ̄ nyɔ́ a ŋga tɛ́ɛ́yɛ ɓɛ́nɛ sim.

Bi tí Ɔlolómɛ̄ mítamlan, átɔm nɛ́ miní ɓɛ́ɛ́ míyɔ̄ŋ mí áɓē, ndí nyí vɔ́ŋɔ́ɔ, maná lɛ́glé yé ɓá yéglɛ́ ɓɛ́nɛ, munú óglé ki yɔ́ la m̀mím wáná ásɛ. Maná kūhlɛ́ á ŋgatka nyí aɓé la ɓɛ́nɛ munú yāán míndimí mí étɛ̄l-sim.