Popular Bible Verses from Elōg-Lóma 5

Share

Ndí, ndembye nyí ɛ ŋga étɛ nɛ́ Ɔlolómɛ̄ ag diŋ ɓɛ́hɛ yɔ nyí nɛ́: Nyɔ́-a-Pɔ́hlɛ a wú ányúū yāhá, kí bi ŋgí lɛ ɓáɓɔŋ-miɓé.

la ki nɛ́ lipitá lí ŋgá yɛ́ɛ ɓé, átɔm nɛ́ M̀búl Mpúán nyɔ́ a tíéɓɛ́ ɓɛ́hɛ, a yáhɛ́ mímīm máhá la ediŋ Ɔ́lolómɛ̄.

Li loo náŋ ki, tɔ eceg bi lɛ átē a ndutu biíg yáta, ányúū nɛ́ biíg yí nɛ́ ndutu ɛg sɔ́la kɔkɔ. Kɔkɔ ɛg sɔ́la eɔ́hánɛ yé bísɔghe, eɔ́hánɛ yé bísɔghe ɛ́g sɔ́la lipitá

Á élōgyāŋ, kasig la ŋyéɓé nɛ Ɔlolómɛ̄ a yáanɛ́ ɓɛ́hɛ ɓot bí tɛ́ɛ́ sim ɔ́sū vɛ́ɛ́, nyí vɔ́ŋɔ́ɔ, bi lɛ́ nsaŋ la nyɛ́ li loole la Ɛtáŋɛ wahá Yésus Kilístus. Li loole la Yésus Kilístus, ndí la ŋyéɓé bi byɛɛ́ la nyɛ́ ki, nzen ya lēglɛ́ ɓɛ́hɛ á lí kuh lí likaale lí Ɔ́lolómɛ̄ jé bi byɛɛ́ kɔɔ, bu válé ki liŋgagá jáhá á lípitá bi byɛɛ́ nɛ biíg kɛ li nyɔŋ lí ŋgaan á lípēm lí Ɔ́lolómɛ̄.

Ɔɔ, eceg bi ɓɛ́ɛ́ ŋgíla ŋguu tɔ ya, á éceg Ɔlolómɛ̄ a tɛ́ɛ́yéé, nɛ́ Nyɔ́-a-Pɔ́hlɛ a wú ányúū ɓaɓɔŋ-miɓé.

La ki nɛ́, kasig nyí vɔ́ŋɔ́ɔ micii mɛ́ɛ́ má yaanɛ́ ɓɛ́hɛ ɓá bí tɛ́ɛ́ sim, ebuu-la-ŋgele yáŋvéé hɔ́ a ŋgá kɛ ɓé ɓɛ́hɛ li suŋ á ɔ́ūn ví Ɔ́lolómɛ̄ é?

Ákaa ɛ́sɛ, kasig la lipama lí pɔ̄m mut ya nɛ́ ɓot bísɛ ɓá tímān lí ɓɛ́ lí ɓáɓɔŋ-miɓé, nlemlem á jam ki nɛ́, ányúū eógle yé pɔ̄m mut ya nɛ́ ɓot bísɛ ɓá yaán ɓá bí tɛ́ɛ́ sim ɔ́sū ví Ɔ́lolómɛ̄.

Li loo ki náŋ, eyát yáhá átē a Ɔlolómɛ̄ ɛ́g sɔ́le ja la Ɛtáŋɛ wahá Yésus Kilístus, nyɔ́ a lɛ̄ nɛ́, la nyɛ́, Ɔlolómɛ̄ a kóm nsaŋ la ɓɛ́hɛ nyí lɛn.