Popular Bible Verses from Romanos 11

Share

Klu tshinanu ptowru potuko hkamhatka Hoyakalu. Ptowru potuko hakanha Hoyakalu tshinanu hiyrunu waleko htshinanu rawa ptowru potuko. Hiyáhoni himalwutkalurni Hoyakalu hikeklu hohne mnikawnakatupni. Amém.

Ha hi psokananru Hoyakalu hihlenu. Hanhe ruchinixya hihchinikanu hiyrunu rimatkalnu! Kathe xawaka himatjemlu Hoyakalu hixjexyawaka?

Wane htshina yonatkaluru Hoyakalu pirana: “Kathe xawaka himatlu Hoyakalu hchinikanu? Kathe xawaka himukata hasrukletlu?”

Waneko pixka rixna haté xawakni rawna yine hi híxona Hoyakalu nurrene Hoyakalu hihlenu nuretanune. Waneya Hoyakalu hihlenu hnurexinixkana hiyáhoni hi hkamrurna tshinanni. Wannako hkamrurna tshinanu hnuretkomkana waneyamka hi Hoyakalu hihlenu tshinanu hnuretkana.

Hatatjewa oliveira muna hislahluro plukaka kastakka. Waneya hixa judeu mixkanhi hatatjewa oliveira muna kahnete hwatshri pixka hixatshinhi waleplu kastajikolu hislahkaluru muna yokakkalunetkahi. Hiyáhoni hixa yoptotlu judeu-nerune mixkonu hiyrunu riweklena. Hiyáhoni hi halixkoxinwa klu tshinanu hiplukakachanhi. Hixa hi hiwekkaklu hitskihi seyni halikaka hitskihi hiwekkakhi hixa.