Popular Bible Verses from Filipenses 3

Share

Cristo tshinanu nmoletanune, hi nkahwaklu nali yoptolexyawakatkalu numlujikolu. Seyni xye tsonu nkamhajeta. Natjiniyaka sreta nutaklu ptowruka niknohjerutka seyni nyapretaka hwapletanruni nkosekamxijeru. Nasukakananumta numukata hapoklexyawakaplu hasuklu hichinixyawaka numlujikolu nkayaxyawakapa. Waleni Hoyakalu tshanixle hiwekle hikeklu hohne mnikawnakatupni Cristo Jesus tshinanu.

Naluklu Cristo tsonu nimaxyawaka, Cristo yotunoxinri himukatle naluk-himatleta hiyrun-koxa hsalewnale yimatshri naluk-hixleta. Hiyrunu wale hipnale pixka nixikolupa. Waneyakni nkahwaklu hipuktshi tskala niwekkajikowaka.

Seyni halikak-potu Cristo nkayaxyawakapa tshinanu ptowru potuko hiknokachatkaluru nikahwakatka wale kachrijrutkani kihler-potuko Nutsrukate Cristo Jesus himatyehixikolu. Wale tshinanu namtaklu ptowruka hektutu, malukkotu nikahwaklu Cristo numukata yoptolexyawakapa.

Seyni xye ptowruka nkaylerumkapa waleni nuknokachatatka Cristo tshinanu.