Popular Bible Verses from Efésios 4

Share

Seyni hichinikanuwyehkakanu. Hetwamonkakanu. Hixkakluko hamtakahchinikankakyehitanu hektutuya Hoyakalu hiknokhektunuxyawakhi Cristo tshinanu pixka.

Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Hi satukna tokantshi hektutu himtuklewatatshri hyanumaxini seyni kihleru tokantshi halukkaluru, tseruwaka hchinikanrewatatshripa tokantshi tsonu hyanumaxini. Yijnakotatshine hepixatshri tokantshi yanumaxiko.

Hiknokanru ptowru hchikohajiwaxinri, ptowru himtuwnalu jhekantshi, ptowru sapletshkaka, ptowru heyiklewlu, ptowru hixatshri hahnantshi hiknokanu.

Hjihekanuwaxini hi hitshitanru jhekantshi himtujyawakaphi. Hiyrunu hi jihekanuwatatshinekhi rimxijini tkatshi. Hi pchinhohnejijiko henekanru tsru kamtshi hixa hyokwijexyawaka.

Hiknokanru xako mitshikananu hixjekanaxyawaka hixako halujyawaka, walekni himtukjekanathi sotanuhonutshi yokwire tshinanu. Hihchinikanu hiyrunu hiwejinri koxa herotexiko. Herotu yineru hitajinwa, xye herotu yineru Hoyakalu yáholutkani. Rekhitka satu hiwejikaluru halikakalutu potukalu hiyrunu Hoyakalu halukanruko rekhitka.

Ptowru potuko himukaxyawaka hixanu pa hchinikanurune hixyawaka, pa neru rixkakanwu Hoyakalu Hiwejikaluru pa hchinikanurune wixini.

Walekatkani henekachalkaka reneksatna yine. Reneksatkatkana nuretkalune rixyawakna, pimrine reneksata Hoyakalu tokanu hinkakletatshine rixyawakna, pimrine reneksatna Hoyakalu tokanu jinkakletaklerune rixyawakna hiyrun-koxa reneksatna halixatshine hinotatshine rixyawakna hiyrunu pimrine reneksatna hapatjetatshine kosekatshine rixyawakna. Xye hkamha ralpokoxyawakna hinerune ptowruneka Cristo halukanru hkamhiywakna. Wan-rixna, Cristo mane hkamhapotuxyawakapna htserutahchinikanuxikowakapna Cristo piranaya. Hiyáhoni hixa ptowrunekwu wan-hixatshinwu wapkapanru pa hchinikanurutu wixyawaka walixle Jesus Cristo-ya hiyrun-koxa wimatjempiranyehitanru Hoyakalu whene pirana. Wan-hixatshine tsrune hixinwa Cristo piranaya klu tshinanu wtseruwnanu haté Cristo yáholu potuko wixinwa.

Hiyáhoni hi mturune pixka wixanu walixinpatkalu Hoyakalu pirana. Mtser-halixlene ruwchiwchikak-honuka hiyrunu pnuko hanikkalunetkani hihchinikanuyna weytshi hasruklewatatshineya. Nyi yokwirewlu hasruklewatatshine walekni hitseklu pixkalutu mtser-halixlene hpupjehapokajyawakapna. Hi wan-hixahchinikanutanu seyni halikaka pirana wunkakletanu wekhixyawakapna wamotlene. Hiyáhoni wujhanru wtseruwna halixlexyawaka ptowru piranako Cristo tshinanuya. Cristo honukla jiwtshi. Walekni Cristo halixatshine hapatjetatshine kosekatshri.