Popular Bible Verses from Efésios 2

Share

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Klu tshinanu Hoyakalu himukatle reneklewle hiwekkakatkahi Jesus halixikowaka tshinanni. Hiyrunu hi hixako wuhlenu tshinanu riwekkakwu seyni Hoyakalu henekachale tshinanu tsonu wiweka. Hi wkamrure tshinanni, hi satukna halixkoxinwa.

Seyni Hoyakalu hetwamonre tshinanu tsru potuko hiyrun-koxa ruchinijyawakwu tsru potuko. Wale tshinanu Hoyakaluya, hipnakanatatshinwu wixjekanata wmalixlenu tshinanu, Hoyakalu, Cristo walixyawaka tshinanu, riwekkakwu. Klu tshinanu Hoyakalu henekachale tsonu tshinanu wiwekkakka.

Cristo-yma hipuktshi riwekkajyatkawu hiyáhoni Cristo Jesus-yma tsru hitakkaluru tenhohne hwatshri Hoyakalu henekwu.

Hiyáhoni xawakni hixa judeu mixkanhi, hi kahnete hajenetkahi. Hi koxa Hoyakalu mimatletanunetkahi. Seyni xawakni Hoyakalu kotspalatanune nuretkalune nerutkahi. Hiyrun-koxa hixa satkaka Hoyakalu molenetkahi. Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.